Бид бүгд сайн үйлс, залбирлаар дамжуулан дэлхийд Диваажингийн Гэрлийг авчрахын төлөө нэгдэх болтугай.

Одоо Монголын авшигтнаас ирүүлсэн сэтгэгдлийг хүргэе:

Суприм Мастер Телевизийн багийнханд энэ өдрийн мэндийг хүргэе. Саяхан нэг оройн Арьяабалын бясалгалын үеэр надад харагдсан дотоодын сүнслэг ахуй ойлголтын талаар хуваалцахаар бичиж байна. Дэлхийг тойрон олон урт цагаан хувцастай хүмүүс гар гараасаа барин эргэж байв, бид дэлхийг хамгаалж байгаа бололтой, гэтэл дэлхий маань хурдан хурдан эргэсээр дэлбэрчихсэн. Миний ойлгосноор хүнээр бол үхэж байгаа юм байна. Бид дахиад л эхлэхэд, дэлхий маань дахиад л дэлбэрнэ. Иймэрхүү байдалтай бараг 7, 8 удаа давтагдав. Эхний удаад дэлхий маань сайхан Гэрэлтэй байсан бол дэлбэрэх тусмаа өнгө нь бараан болсоор сүүлийн удаад нь бүр хар өнгөтэй болсон. Дахин сэргэхгүй мэт. Бидний өмссөн сайхан урт цагаан хувцас ч хиртсэн мэт хар өнгөтэй болсон байлаа. Бид сүүлийн удаа дахин дэлхийгээ тойрч гар гараасаа барин зогсоод, хүн бүрийн билгийн мэлмийгээс цагаан Гэрэл гарч дундаа нийлээд, дээшээ тэнгэр руу чиглэн цагаан Гэрэл болон эрчилсэн байсан. Ингэхэд хар болсон байсан дэлхий маань өнгө нь сэргэж сайхан өнгөтэй болсон байлаа.

Бид бүгд өөрсдийн амиа дэлхийдээ өгсөн нь тэр байж, дэлхий маань энэ олон хүний амиар дахин дахин сэргэх үхэх цаг хугацаатай болж байгаа юм байна. Энэ хооронд Бурхан цаг хожин, одоогийн асуудлыг шийдэх боломжтой гэж бодлоо. Хүмүүс гараа тавихад, зарим хүмүүс ядарсандаа газарт унаж байсан. Миний хувьд амиа өгчихсөн болохоор үргэлжлүүлэн сууж, Гурван Бурхандаа залбирлаа. Гэтэл Бурхан надад дахин амь өгсөн, бусад бүх хүмүүст Бурхан амь нөхөж өгсөн. Би баярласандаа нулимс минь урсаж, бас Бурханд дахин дахин талархсанаа илэрхийлсэн. Тэр хүмүүс бүгд Гэрэл болон шууд Диваажин руу явж байв. Би дараа нь үргэлжлүүлэн сууж, дэлхийн дээвэрт гаран харвал Багш маань надад дээрээс тусаж байгаа Гэрлийг харуулан, энэ бол Диваажингийн Гэрэл, дэлхий Диваажин болох замдаа орсон гэсэн. Их Багшдаа баярлалаа. Монгол улсаас Таны шавь

Монголын авхаалжтай авшигтан эгч ээ, Энэхүү сайхан, сэтгэл хөдөлгөм дотоод ахуй ойлголтоо бидэнтэй хуваалцсанд баярлалаа. Олон Гэгээнтэн, Мэргэд, Их Багш нар бүх цаг үеийн туршид хүн төрөлхтөнд туслахын тулд золиослогдсон ба олонх нь энэ түгшүүртэй мөчид бидэнд туслахын тулд бидний Хайрт Их Багштай хамт ажилласаар байна. Энэ насандаа сүнсийг маань чөлөөлөх аргыг зааж, энэрэнгүй, амар амгаланг бүтээгч веган амьдралын хэв маягаар дамжуулан энэ дэлхийг хэрхэн аврах талаар удирдан чиглүүлж буй Их Багштай байгаа бид үнэхээр азтай, хувь ерөөлтэй билээ. Бид бүгд сайн үйлс, залбирлаар дамжуулан дэлхийд Диваажингийн Гэрлийг авчрахын төлөө нэгдэх болтугай. Та болон эрхэм дээд Монгол улс Будда нарын замаар итгэл төгс явах болтугай, Суприм Мастер ТВ-ийн баг

Жич: Их Багш танд хайраар хариулж байна: “Чин сэтгэлтэй нинжин сүнс минь, элэгсэг тэмдэглэлд тань баярлалаа. Арьяабалын бясалгалдаа хичээнгүйлэн төвлөрөхөд тань таны дотоод гоо үзэсгэлэн гэрэлтдэг. Ингэснээр Бурханы эрхэм зорилгод ашиглаж тохиромжтой хэрэгсэл улам олон болж, илүү олон хүн веган амьдралаар амьдрах тусам бид энэ дэлхийг аврахын тулд тэдний сүнсний хүчтэй улам бүр эргэн холбогдож чадна! Ийнхүү дотоодын Их Багш тань танд Диваажингийн ухаарлуудыг харуулж чадна. Бид Бурханы өршөөл, Нигүүлсэл, хамгаалалтад үргэлж талархаж байх ёстой. Бид буян, нинжин сэтгэлийн зөв замаар явахгүй бол дэлхий унтаа харанхуйд үлдэх болно. Хамгийн Хүчирхэг Гуравтай холбогдож, веган болж, энэрэнгүй, мөргөлийн амьдралын хэв маягийг дадуулбал бид бүгд амжилт олж, Дэлхий Диваажин болж чадна. Та болон гайхамшигт Монголын сайхан сэтгэлт ард түмэн Тэнгэрлэг эв зохирлын дулаан илчинд мөнхөд жаргах болтугай. Таныг болон таны хайртай бүхнийг бүхий л Хайраараа тэвэрье!"