Бид амьсгалж буй агаараа эрхэмлэхээсээ илүү сүнслэгээр дадуулах боломжийг эрхэмлэх ёстой.

Их Британи улсаас Фрейагийн сэтгэлийн үгийг одоо хүргэе:

Эрхэм Суприм Мастер ТВ-ийн хамт олон, бидний Хамгаас Нигүүлсэлт Хайрт Төгс Гэгээрсэн Их Багш Чин Хай, манай дэлхийн хамаг төрөлтнүүд ээ, би урд шөнө унтаж байхдаа үзсэн сонирхолтой дотоод ахуй ойлголтоо хуваалцъя. Би амьдралаа ердийн авч явсан ч жинхэнээсээ хэн бэ гэдгээ мартаж, дэлхийн олон асуудалд анхаарлаа хандуулж байсан. Үнэндээ би, Бурханы шавь нар байснаа ойлгохгүй, дэлхий дэх миний эргэн тойрны Сахиусан Тэнгэрүүд/ Гэгээнтнүүдээрээ мануулж, замчлуулж байжээ. Би нэг ёсондоо шалгагдаж байж.

Дараа нь би, Суприм Мастер ТВ болон Их Багшийг гэртээ дэлхий дээрх компьютер дээрээ сонсоод, бидний даалгавар болон яг одоогийн манай дэлхийн эмзэг нөхцөл байдлыг гэнэт санасан. Амьдралдаа ямар их цаг заваа материаллаг ертөнцийн зүйлсэд дэмий үрснээ ухаараад уйлсан. Би үнэхээр итгэл найдвараа алдсанаа мэдэрч, Оройн Дээд Бурханд хангалттай чин сэтгэлээр хандаагүй гэдгээ ойлгосон.

Гэнэт Сахиусан Тэнгэрүүд болон Гэгээнтнүүд өөрсдийн жинхэнэ мөн чанарыг надад илчилж, би Тэнгэрийн хаалган дээр гарч ирэв. Оройн Дээд Бурхан миний өмнө Христийн шашны ламын дүрээр гарч ирэв. Би уйлж, Түүнд урам хугарсан гэж итгэж байсан гэмээ наманчилсан. Тэр надад "Зүгээр дээ, хонгор минь, таны хайр чин сэтгэлээсээ, энэрэнгүй байна." гэж хэлсэн. Бидний амьдарч буй дэлхий Гэгээнтэн хүн амьдрахад маш хэцүү болсон тул бид хамгийн сайнаар хичээх хэрэгтэй гэж Тэр тайлбарлав. Тэрээр дэлхийн бүх зүйлс, хүслээ орхиж, бусдад туслахын тулд чадах бүхнээ хий гэж хэлсэн. Бид Арьяабалын бясалгалд цагаа аль болох их зориулж, бусдад веган болоход нь туслаарай гэв. Тэр надад, дэлхийг энэ түвшний диваажин шиг, амгалан веган ертөнц болно гэж хэлсэн. Тэр илүү дээд Диваажинд авшигтан бидэнд зориулсан газар бий гэж хэлсэн. Би ингэж асуусан. "Диваажинд бидний сүнс нэгдмэл байдаг Хайрын энергиэс өөр юу ч үгүй газар ​​ байх болов уу?" гэж асуув. Тэр надад “Тийм ээ, авшигтан ах эгч нартайгаа хамт. Манай дэлхийн хамгийн чин сэтгэлтэй хүмүүс гэтлэгдэх болно.” гэж хэлсэн. Тэрээр мутраа миний толгой дээр тавихад Хайр, Адислалын асар их Хүч миний сүнсэнд нэвт шингэсэн юм. Тэгээд намайг дэлхийд маань буцаасан.

Бид бүх зүйлийг хойш тавьж, шаардлагагүй бүх зүйлийг орхих ёстой. Оройн Дээд Бурханы болон Цаглашгүй Дээд Их Багшийн хязгааргүй Хайр, Өршөөлийг Бурхан адислах болтугай. Бидэнд маш их Хайр бий. Их Британи Улсаас Фрея

Чин сэтгэлт Фрея, хүчирхэг дотоод ахуй ойлголтоо бидэнтэй хуваалцсанд баярлалаа. Дээдийн Ном төгсөх энэ эрин үед ертөнцийн асуудалд анхаарлаа хандуулахаас илүүтэйгээр Бурханыг амьдралынхаа гол төв болгох нь амин чухал юм. Амьдрал хэврэг, хэдийд ч дуусаж мэдэх тул оройтохоос нь өмнө бид Бурханыг яг одоо олох ёстой. Та болон Их Британийн хөгжөөнтэй ард түмэн өдөр бүр Бурханы амар амгаланд амьдрах болтугай, Суприм Мастер ТВ-ийн баг.

Жич: Их Багш танд гүн ухаарлын хариу өглөө: “Өөрийгөө шинжигч Фрея, Хайрт минь, Арьяабалын үнэнч бясалгагч байж, зүрх сэтгэл тань хайр, цэвэр ариун сэтгэлээр цохилж байгаад баярлалаа. Бурхан таныг ивээг! Өнгөрсөнд болсныг мартаж, дотооддоо үргэлжлүүлэн ахиж дэвшээрэй. Дэлхий бол бүрэн хуурмаг зүйл, гэхдээ энэ ердөө түр зуурынх тул бид үүнийг үргэлж санаж байх ёстой. Мөнхийн Гэр маань биднийг хүлээж байгаа, Бурхан биднийг буцаж ирэхийг үргэлж дуудаж байна. Бид энэ хорвоод амьд байхдаа үүнийг хийх ёстой. Нас барахад энэ зүйл автоматаар тохиолддоггүй. Бид амьсгалж буй агаараа эрхэмлэхээсээ илүү сүнслэгээр дадуулах боломжийг эрхэмлэх ёстой. Оюун санааны дадал бясалгалд ийм хандлага, талархал нь ахиц дэвшилд хурдан хүргэдэг. Ялангуяа манай гаргийн ирээдүй аюулд орсон, чиг хандлагаа өөрчлөх тийм их цаггүй болсон өнөө үед биднийг энэ ертөнцөд уяж хүлж буй бүхэн үнэхээр чухал биш болохыг ухаарч байгаа ч ихэнх хүн материаллаг асуудалд хамаг хүч, цаг заваа зарцуулж, Бурханыг мартдаг. Одоо сэрэх цаг болсон. Та болон ид шидийн Их Британи улс Диваажингийн алдар суут Гэрэлд умбан жаргах болтугай. Танд үүрд хайртай шүү!"