Дэлгэрэнгүй
Татаж авах Docx
Дэлгэрэнгүй уншаарай
“Энэ нэгдүгээр асуулт,” “хоёрдугаар асуулт” гэдэг шиг тийм ч эмх цэгцтэй биш байгаа. Нартай ярилцаж байхдаа заримдаа би зүгээр л санаж, бичих гэж маш их хичээдэг. Яг л Сартай ярьсантай адил, заримдаа дараа нь бичдэг. Тэгээд заримдаа би өөрөө асуудаг болохоор асуултаа бичдэггүй. Тиймээс би зүгээр л хариултыг нь бичсэн. Хэрэв би санаж байвал та нарт хэлэх болно, би та нарт асуулт, хариултыг нь уншиж өгье. Гэхдээ үгүй бол та нар зөвхөн гол санааг нь ойлгох болно. Би орчлон ертөнцийн талаар судалгаа хийх гэж оролдвол нэлээд завгүй байна.За, би тэднээс бидний энд байгаа шиг амьтан-хүн, мод, ургамал тэдэнд байгаа эсэхийг асуулаа. Тэд “Тийм.” гэж хариулсан. Тэдэнд бидний энд байдаг шиг бүх зүйл, юм бүхэн байдаггүй ч Нарны дотор талд байдаг. Би “Гэхдээ Нар маш халуун, та нар тэнд яаж амьдарч чаддаг юм бэ?” гэв. Тэд “Нарны дотор халуун биш. Гэхдээ гадна талдаа Цельсийн 1,000 гаруй градус, бараг л 2,000 градустай.” гэж хэлсэн. Тэгээд би тэднийг бидэнтэй адил харагддаг эсэхийг асуусан. “Тийм ээ”, хүмүүс шиг харагддаг гэж тэд хэлсэн. Тэнд зарим хүмүүс тэдэнтэй хамт амьдардаг эсэхийг асуухад Тэд “Тийм ээ.” гэсэн. Хэрэв хүмүүс Нарны дотор тэдэнтэй хамт амьдрахыг хүсвэл Дөрөвдүгээр Түвшинд хүрвэл, дээд Дөрөвдүгээр Түвшин хавьцаа хүрсэн л бол чадна гэсэн. Дараа нь Нарны хүмүүс өөрсдийн тусгай тээврийн хэрэгслээр буюу ҮМНБ-тэй төстэй хэрэгслээр ирж авсны дараа Нар руу орж, тэдэнтэй хамт амьдрах болно. Мөн үүнээс хойш Наранд хүрч чадах хүмүүс үхэшгүй мөнх болох болно. Тэд Нарны дотор нас барахгүй.Нар руу очихдоо хэдэн настай байна, тэр насан дээрээ тогтож, тэр чигээрээ үлддэг. Энэ нь Сартай маш төстэй юм. Дашрамд хэлэхэд – би мартахгүй гэж бодож байна. Би тэнд тэмдэглэсэн. Сар бас орж ирээд надад өөр хэдэн зүйл хэлсэн. Тэд хүсвэл орж ирээд надад хэлдэг, эсвэл би тэднээс ямар нэгэн зүйлд хариулахыг хүсдэг. Нартай ярилцсан яриа маань гурван талын яриа мэт л байсан. Тэгэхээр Нарны дээр амьтан-хүмүүс байдаггүй гэсэн. Бид эхлээд Нарны тухай ярья. Сар орж ирэх болгонд би та нарт хэлэх болно.Тэд бас ургамал, мод, цэцэг, жимсний модтой ч тэдгээрийг иддэггүй. Яг одоо Нарны хүмүүстэй хамт 664 орчим хүн тэнд амьдардаг. Тэд Тавдугаар түвшинд хүрэх хүртэл хэр удах вэ? Тэд Нарны орчмын Дөрөвдүгээр түвшнээс Тавдугаар түвшинд хүрэхэд дэлхийн тооллоор магадгүй сая сая жил болно гэсэн.Би тэднээс Нарны зургийг авах үед яагаад Нарны эргэн тойронд, Нарыг тойрон улаан цагариг, хэд хэдэн улаан тойрог байсныг асуув. Тэгэхэд Нарны Хаан надад “Эндхийн хүмүүс Танд хайраа илчлэхийг хүссэн болохоор тэр.” гэж хэлсэн. Би “Бурхан минь.” гэсэн. Миний сэтгэл маш их хөдөлсөн. Би “Маш их баярлалаа. Энэ тохиолдолд та нар хэзээ нэгэн цагт дэлхийг шатаах уу?” гэхэд Нарны Хаан “Бурхан тушаавал хэрэгжүүлэх л ёстой. Уучлаарай.” гэв.Тэгэхэд нь би “Биднийг бодолцоорой, за юу? Намайг энд байна гэж бодоод үүнийг зогсоохын тулд ямар нэг зүйл хий, эсвэл хүмүүсийг зовоохгүйн тулд шаталтын эрчмийг бууруул. Та миний найз байж, бидэнд туслахыг хичээнэ гэж найдаж байна. За юу?” гэлээ. Тэрээр “Одоогоор дэлхий дээрх веган хүмүүсийн тоо хурдтай нэмэгдсээр, улам бүр нэмэгдсээр байна. Тиймээс үйлийн үр нь багасах тул Нар дэлхийг сүйтгэх, эсвэл доорх хүмүүсийг шатаах ямар нэг зүйл хийх шаардлагагүй болж мэднэ.” гэв. Одоогоор үйлийн үр нь багасаж, хүмүүс эсрэг чиглэлд явж байгаа тул Тэр үүнийг хийх шаардлагагүй байх магадлал өндөр гэж хэлсэн. Хэдий чинээ олон хүн веган байна төдий чинээ цөөн хүн зовно. Веганчуудын тоо олон байхын хэрээр зовох хүний тоо цөөрнө, Нарны тэсрэлтийн дөл дэлхийг гэмтээх магадлал төдий чинээ бага байна.Биднийг бодолцож, хүмүүсийг хэт их зовохооргүй байхын тулд Дэлхийд туслах ямар нэг зүйл хийгээч гэсэн Наранд хандсан хүсэлтийн тухайд Нарны Хаан “Бид хэдийнээ аль чадлаараа бууруулсан” гэж хэлсэн. Нарны Хаан болон Наран дээрх хүмүүс аль чадлаараа гэсэн үг. Бусдаар бол бүр ч дордох байсан. Хэрэв тэд өөрсдийнхөө болох хэмжээнд, зөвшөөрөгдсөн хэмжээнд туслаагүй бол хохирол нь бүр ч дор байх байсан.Гэхдээ Бурхан дэлхийн төгсгөл ирэхэд, энэ дэлхийн төгсгөл ирэх үед ажиллах тэнгэрийн элч нарын заримыг Нар руу ямар нэг зүйл цацахыг тушаана гэж Библид Бурхан айлдсан байдаг. Энэ нь Нарны дөлийг гадагшлуулж, дараа нь тэр нь бүр хаа хол дэлхий хүртэл туугдаж, бүх зүйл дуусна гэсэн байдаг. Намайг “Ийм юм болох уу? Энэ үнэн үү?” гэж асуухад Нарны Хаан “Тийм ээ, үнэн. Ийм байж болно. Гэвч маш олон Гэгээнтэн залбирч, хүмүүс улам олноороо веган болж байна. Тиймээс ийм зүйл болохгүй байх.” гэв.Би “Өө, гуйя, гуйя, ийм зүйл битгий болгооч дээ.” гэж хэлсэн. Нар тэгэхэд “Нарны шийдэх асуудал биш. Үүнийг Бурхан шийддэг. Мөн хүн төрөлхтөн хэрхэн муу авирлаж, энэ гаргийг сүйтгэн, сүйрүүлэхээс хамаарна. Улмаар ийм төрлийн үйлийн үр өөр төрлийн үйлийн үрийг татах болно. Хэдийгээр Нарны дөлийг ямар нэгэн шалтгаанаар зогсоож боллоо ч, эсвэл Бурхан Нарны дөлийг дүрэлзүүлж, доорх дэлхийг шатаах бодис, хүч шидэхгүй байлаа ч Дэлхий өөрөө дотроосоо, газрын гадарга доороос гал гарч, дэлбэрэх болно. Мөн дэлхийг бүхэлд нь шатааж, дэлхийг сүйрүүлж, хүмүүсийг үхэлд хүргэх боломжтой. Маяагийн-хүч яг үүнийг хийхээр төлөвлөж байна: Дэлхийн дотоод цөмөөс гарсан галыг ашиглан, энэ дэлхийг үнсэн товрог болгох! Харин Диваажингийн Хүч үүнийг буцаахыг хичээж байна! Хамгаас Хүчирхэг Гурвын Ивээл, веган хүмүүсийн Буянаар маяа амжилтад хүрэхгүй байх гэж найдаж байна!” гэв.Намайг “Бурхан минь, бидэнд үнэхээр л бүх талаас аюул нүүрлээд байгаа юм байна.” гэхэд Тэрээр “Гэгээнтнүүдийн залбирал хүмүүсийн үйлийн үрийн зарим хэсгийг арилгахад тусалж байгаа ч хүмүүс өөрсдөө арга хэмжээ авч, тэд бусад гэм зэмгүй амьтдыг хөнөөдөг, тэр бүү хэл бие биеэ алж хөнөөдөг харгис, алуурчин, тарчлаан зовоогч амьдралын хэв маягийн эсрэг зүгт эргэх ёстой. Энэ бүх үйлийн үр туйлын харгис хэрцгий энергийг бий болгож, Дэлхийг сөнөөх олон харгис зүйл болж мэднэ.” гэсэн.Хүмүүс өөрсдийгөө л хөнөөж байна. Үнэхээр өөр хэн ч биш. Бусад бүхнийг зогсоож чадна. Гэвч хүмүүс аллагын үйлийн үрийг үргэлжлүүлэн бий болгож, өөрсдийгөө устгах болно. Хаан хэлэхдээ “Хүн төрөлхтөн өнгөрсөн үед ч бас бие биедээ муу зүйл хийж, дайтан байлдаж, зэрэгцэн оршиж байсан гэм зэмгүй хүмүүсийг бүгдийг нь хороож, мөн өөрсдийгөө ч, улс орон, үндэстэн, хотоо устгаж байсан. Ийм зүйл болж байсан ч одоогийнхоос цар хүрээ багатай. Одоогийн байдлаар хэрэв ийм зүйл тохиолдвол гараг дээрх бүх төрөлтнийг устгах болно.” гэв. Ийм үзэгдлийг дотооддоо харахад үнэхээр аймшигтай санагддаг. Ийм зүйл болохгүй гэж найдаж байна.Photo Caption: Тийм ээ! Эрхэм Ариун Сүнснүүд нь Өндөрт Хүрэхийг Зорь!
