Тэдгээр Бурханыг хүсэн тэмүүлсэн ариун сэтгэлтэй хүмүүс Тэнгэрлэгээр хамгаалагдсан байдаг.

Их Британаас Миллигийн ирүүлсэн сэтгэлийн үгийг хүргэе:

Хамгаас Эрхэм Цаглашгүй Дээд Их Багшдаа, Суприм Мастер ТВ-ийн хамт олон, Суприм Мастер ТВ Maкс- д чин сэтгэлийнхээ гүнээс баярлалаа. Хэд хэдэн жижиг гайхамшиг намайг стресстэй нөхцөл байдлаас аварсан бөгөөд миний компьютер ойр хавьд минь Адисалуудыг цацаж байгааг мэдэхэд надад аюулгүй байдал, баяр баясгалан ирдэг.

Хоёрхон долоо хоногийн дотор, би бүтэн долоо хоногийн турш сүүлд нь олж мэдэх хүртлээ хийн даралтгүй дугуйтайгаа яваад байсан байв, тэгээд тэр маш хурдан бөгөөд амархан засагдсан.

Бясалгалын үеэр гэнэт ээж рүүгээ залгахаар шийдсэн, тэгтэл намайг утасдахад ээж их сэтгэл түгшсэн байдалтай байв, учир нь түүний нөхөр хүчтэй салхины улмаас хагарсан саравчны дээврийг янзлахаар дээвэр дээр гарах гэж зүтгэж байж, гэтэл тэр 80 нас хүрсэн, харвалт өгснөөс хөдөлмөрийн чадвар нь хязгаарлагдсан тул ийм зүйл хийхэд огт тохирохгүй байв. Тэр их зөрүүд хүн, тэгэхэд нь би яаран очиж, түүнийг дээвэр дээр гарахаас нь болиулж чадсан нь үнэхээр гайхамшиг байв, ингэж тэр ослоос сэргийлж чадсан юм.

Хэдхэн хоногийн дараа би гэрээсээ хол шаварт суучихлаа, гар утасны цэнэг ч дууссан байв, тэгээд дугуйн доороо өвс чихэж, шаварт шигдүүлэлгүй эргүүлэхээр хичээж, хамгаас Хүчирхэг Өдөр Тутмын Залбирлаа чин сэтгэлээсээ уншин залбирсан юм. Тэгтэл яг араа шилжүүлэхээр гараа хүргэх мөчид цонхны цаана нэг хүний царай гэнэтхэн үзэгдэж, тэр эрэгтэй надад машиныг маань татаж гаргахыг санал болгов. Цаг хугацааны давхцал нь ер бусын байсан тул гарцаагүй Тэнгэрээс илгээгдсэн гэдэг нь илт байсан. Би энэ сайхан сэтгэлтэй танихгүй хүнд олон адисал хүрээсэй гэж залбирч, товчлуур дарахад л шууд хүртэх боломжтой энэ агуу Адисын Хүчээр тохиосон аз завшаан бүхэндээ бишрэн гайхширсаар замаа цааш үргэлжлүүлж, хэрэв бүх айл өрх энэ Залбирлыг байнга тоглуулдаг бол дэлхий ямар хурдан өөрчлөгдөх бол гэж бодлоо. Энэ дэлхийг аварч, өргөж байгаа Тандаа баярлалаа. Хамаг төрөлтөн Таны жинхэнэ мөн чанарыг мэдэж, Таны эцэс төгсгөлгүй Ивээлийн төлөө зохих ёсны хүндэтгэл, талархалтай байгаасай. Олон жилийн өмнө нэгэн авшигтан надад, хэрэв би сайн бясалгавал манай гэр бүл аяндаа надтай нэгдэнэ гэж хэлж байсан, одоо өсвөр насны хүүхдүүд маань бүтэн авшигтан болсон бөгөөд бидний амьдрал маш энгийн, тав тухтай, эв найртай байдаг. Бүхий хайр, талархлаараа Их Британиас Милли,

Азтай Милли, сэтгэлийн үгээ бидэнтэй хуваалцсанд баярлалаа. Бид үнэхээр азтай бөгөөд Бурханы гар, сахиусан тэнгэрүүд хэрэгцээтэй үед биднийг үргэлж хүрээлж байдаг нь ерөөлтэй. Энэ гараг болон оршихуй тус бүрд туслах Их Багшийн хичээл зүтгэл тоо томшгүй олон янзаар илэрч, гайхамшгийн түүх бүхэн сүнсийг сэргээж байгааг мэдээд бид нэн их талархалтай байна. Та болон Их Британийн тууштай ард түмэн ямагт сүнслэг авралын замд хөтлөгдөн явах болтугай, Суприм Мастер ТВ-ийн хамт олон

Жич. Их Багшаас танд илгээсэн сайхан захиас энд байна: “Бадрангуй Милли, таны хайр дүүрэн дэвшүүлэгч захианд баярлалаа. Тэдгээр Бурханыг хүсэн тэмүүлсэн ариун сэтгэлтэй хүмүүс Тэнгэрлэгээр хамгаалагдсан байдаг. Энэхүү хэмжээлшгүй Хүчний агшин зуур хандах боломжийг Бурхан бидэнд хайрласан бөгөөд бид үүнийг хуваалцах тусам тэр олон хүнд улам бүр арвижин хүрч байдаг юм. Таны чин сэтгэлийн бясалгал дадлын үр дүнд хүүхдүүд тань таны нэр төртэй жишээг даган бас ижил замаар алхан авшиг хүртсэнийг сонсоод баяртай байна. Бүхэл бүтэн гэр бүл нэг насандаа гэтлэгдэхийн тулд Арьяабалын бясалгалыг хамтдаа дадуулж байгаа нь үнэхээр гайхалтай! Та, сүнслэг-сэтгэлгээт Нэгдсэн Их Британи Тэнгэрлэг энхрийлэлд үүрд өлгийдүүлж байх болтугай. Танд болон танай бүх гэр бүлд Хайраа илгээе.”