Гай гамшгийг ихэвчлэн буруутнуудад өгсөн Бурханы шийтгэл гэж үздэг, гэвч тэр нь нэгэн зэрэг бид бүхэнд хандаж хэтэрхий оройтохоосоо өмнө өөрсдийгөө илүү засан, сайжруулж, залруулахын дохио бас болдог.

Монгол Улсаас Халиуны монгол хэлээр илгээсэн сэтгэлийн үгийг хүргэе:

Сайн байна уу? Монгол улсын авшигтан байна. Хайрт Их Багшдаа болон Суприм Мастер Телевизийн хамт олонд хайр, талархалтайгаар мэнд хүргэе! Өөрийн харсан дотоодын ахуй ойлголтоо хуваалцъя.

Хаа сайгүй газар цуурч, галт уулнууд дэлбэрэн, галт уулын лав таарсан бүхнээ хайлуулж байв. Том том ангал үүсэж ёроолгүй газрын гав руу хүмүүс унаж байсан. Хүмүүс хаачихаа мэдэхгүй тэмцэлдэн зугтаж амьд гарахын төлөө хөлтэй нь зугтаж хөлгүй нь мөлхөж, үүрээ эвдүүлсэн шоргоолж шиг бужигнаж байсан. Сэтгэл дотроо би хүмүүсийн хөөрхийлөлтэйгөөр төөрөлдөж, Бурханы заавраар яваагүй хад чулуу мэт байдлыг хараад үнэхээр их өр өвдсөн.

Энэ дундаас би гэр бүл, дотно хүмүүс минь огтхон ч аюулд өртөөгүйг харсан. Тэд хамгийн сайнаар хамгаалагдсан байсан. Хэдийгээр тэд хараахан веган болоогүй ч яагаад аврагдсан, ямар аугаа Хүчний авралд багтсанаа төдийлөн ойлгож мэдэхгүй байсан.

Бурханы Хязгааргүй Хайр, Адис, Хэмжээлшгүй алтан шаргал Гэрлийн хур болж газар сайгүй цутгаж байв. Өөрсдийн сүнсний саваа цэвэр ариун байлгаж байгаа хүн бүр энэ ариун Гэрэлтэй уусан нэгдэж байлаа. Амьтны амь тасалсан хоол хүнс иддэг хүмүүсийн ариун сүнсний сав бохир буртаг бүхнээр дүүрч битүүрсэн байв. Бие, хэл, сэтгэл зүрхээрээ веган байх нь өөртөө өгч болох хамгийн том бэлэг гэдгийг хүмүүс минь үтэр түргэн ухаарах болтугай!

Бурхан минь Та дэндүү өгөөмөр билээ. Биднийг сонголтоо өөрчилж, алдаагаа засах боломж, цаг хугацааг өгсөөр байгаад Тань баярлалаа. Цаг мөч бүхэнд Таны Хайр биднийг ялгалгүй ивээж байдагт Тань туйлаас их талархаж байна. Эх болсон зургаан зүйл хамаг амьтад Хүчирхэг Гурвын Хайр Адислалд үүрд багтаасай. Хайрт Их Багшийн минь эрхэм дээд хүсэл үтэр түргэн биелнэ гэдэгт гарцаагүй итгэлтэй байна. Учир нь Та надад Сайн цаг ирж, үзэсгэлэнт дэлхий минь Диваажин болсон байгааг харуулсан шүү дээ. Баярлалаа Тандаа. Монголоос Халиун

Энэрэнгүй Халиун, Дэлхий дахинд сэрэмжлүүлэг болсон дотоод ахуй ойлголтоо хуваалцсанд баярлалаа. Гай гамшгийг ихэвчлэн буруутнуудад өгсөн Бурханы шийтгэл гэж үздэг, гэвч тэр нь нэгэн зэрэг бид бүхэнд хандаж хэтэрхий оройтохоосоо өмнө өөрсдийгөө илүү засан, сайжруулж, залруулахын дохио бас болдог. Веган болж амьдрах нь бидний сүнсээ болон эх дэлхийгээ хамгаалах асар их баяр баясгалан гэдгийг бүх хүмүүс ойлгох болтугай! Танд болон хүчирхэг Монголын ард түмэнд Тэнгэрийн Нигүүлслээр ухамсарлах ивээл хүртэх болтугай гэж ерөөе, Суприм Мастер ТВ-ийн хамт олон

Жич: Багш танд хайрын хариулт өглөө: “Халамжтай Халиун, таны Арьяабалын бясалгалд итгэх итгэл, сэтгэлийн зориулалтанд баярлалаа, мөн амин чухал сүнслэг өсөлт, дэвшилд тань, би маш их баяртай байна. Хувь хүмүүс өөрсдийн зовлонгийн эх сурвалжийг ойлгохгүй байгаа нь энэ ертөнцийн гол сорилт бөгөөд тэд Бурханы болон өөрсдийн дотоод Сүнсний холбоогоо үл тоомсорлож байна. Арьяабалын бясалгалын аргын тусламжтайгаар дотоод дахь Тэнгэрлэг удирдамжийг сонсох нь маш энгийн билээ. Таны дотоод ахуй ойлголт нь таны зовж шаналж мөн төөрөлдсөн бүх хүмүүсийг гүнээ өрөвдөж буйг илтгэж байна. Тэд дотогшоо эргэж, амар амгалан замыг олох цаг болжээ. Та болон мөнхийн элбэг хангалуун Монгол орон Оройн Дээд Бурханы хязгааргүй Хамгаалалтад амар тайвныг мэдрэх болтугай. Таны энэрэнгүй зүрхэнд маш их Хайр илгээж байна!”