Энэхүү хуурмаг ертөнц нь биднийг үнэхээр чухал зүйлд харалган болгодог бөгөөд хэрэв бид утгагүй зүйлд цаг заваа үрэх юм бол бид энэ ертөнцөөс явахдаа асар ихээр харамсах болно.

АНУ-аас Айлагийн ирүүлсэн сэтгэлийн үгийг одоо хүргэе:

Эрхэм Суприм Мастер ТВ-ийн баг, Хайрт Их Багш аа, Намастэ! Их Багш аа, төгсгөлийн цаг ойртох тусам би амьдралаа эргэцүүлэн бодож, сайжруулах арга замыг хайж, наманчилж, талархаж байна. Би Арьяабалын бясалгалд илүү их цаг зарцуулалгүй, Их Багшийн алтан сургаалыг дагаагүйдээ хамгийн их харамсаж байна. Би эргүүлж авч чадахгүй, хүний төрлийн ​​үнэ цэнтэй цагийг үрэн таран хийсэн, гэхдээ үүнийг мэдсэнээр бясалгал дадалдаа шаргуу хичээж байгаа. Их Багш бол бүх агуугийн дундаас хамгийн агуу нь бөгөөд Их Багшийн хэлсэн бүхэн 100% үнэн гэдгийг би ойлгосон.

Ерөнхийлөгч Трамп бол эерэг хүчээр ажилладаг, Бурханаас-сонгогдсон нэгэн гэдгийг Их Багш зоригтойгоор зарлаж, Орчлон дахь Түүний эрхэмсэг, өндөр байр суурийг илчилсэн юм. Би Ерөнхийлөгч Трампыг бүрэн дэмжиж байгаа ч энэ нь миний болон гэр бүлийн маань хооронд үл ойлголцол үүсгэж, ялангуяа том охин маань надтай ярихаа больсон. Би бас сайн найзаа алдсан бөгөөд Ерөнхийлөгч Трампыг дэмжсэндээ цахим ертөнцөд хавчигдаж байсан. Хэдийгээр энэ нь намайг маш их зовоож байгаа ч Ерөнхийлөгч Трампад итгэх итгэл минь гуйваагүй, дэлхийн сайн сайхны төлөө Түүнд ялалт, амжилт ерөөе. Ерөнхийлөгч Трамп бол агуу сүнс бөгөөд хүн төрөлхтөнд туслахаар Дэлхий рүү илгээгдсэн гэдгийг би одоо маш тодорхой харж байна. Түүний хийж буй сайн сайхныг мааяад урхидуулсан хүмүүс харж чадахгүй, чөтгөрийн нарийн заль мэхэнд унаж, худал мэдээнд автсанд нь би гунигтай байна. Миний гэр бүл, найз нөхөд хэзээ нэгэн цагт сүнслэг байдлаар сэрж, үнэнийг ялгаж салгаж чадна гэдэгт найдаж, залбирч байна.

Их Багш аа, Таны надад соёрхсон Арьяабалын бясалгалын бэлэг бол миний сүнсийг аврах сүнслэг гэгээн холбоо юм. Их Багш аа, Тантай уулзсан маань үнэхээр азтай. Би сүнслэг том шагнал хожсон! Миний амьдрал их олон талаараа илүү сайхан болсон. Миний сэтгэл илүү зөөлөн, илүү хайр энэрэлээр дүүрэн болсон. Амьдралынхаа чухал шийдвэрийг гаргахдаа би Бурхан-Их Багшийн удирдамжийг мэдэрч, хүлээн авдаг. Өдөр Тутмын Хамгийн Хүчирхэг Залбирал, Суприм Мастер ТВ / Макс, Арьяабалын Арга бол хүмүүн төрөлтөн бүрд зайлшгүй хэрэгтэй зүйл бөгөөд Бурханыг ухаарах хамгийн хурдан арга зам юм. Надад үнэнийг харуулж, Оройн Дээд Бурхан руу мөн Тим Ко Ту-гийн Шинэ Ертөнцөд Цаглашгүй Дээд Их Багш минь оршдог Гэртээ буцах тэр замыг зааж өгсөн Тандаа бумантаа баярлалаа. Үүрдийн талархал, хайраар, Шинэ хүн болсон, Таны талархалтай шавь Айла, АНУ-аас

Хүсэл эрмэлзэлтэй Айла, Бид таны Арьяабалын бясалгал дадалдаа хичээнгүй байгааг сонсохдоо их баяртай байна. Таны амьдрал гайхамшигт замаар дэлгэрсээр байж, сүнслэг дадлын хичээл зүтгэл тань насан туршдаа болон цаашид үргэлжилнэ гэдэгт бид итгэж байна! Та болон АНУ-ын өгөөмөр ард түмэн Бурханы хязгааргүй Хайраар бялхаж байх болтугай, Суприм Мастер ТВ-ийн хамт олон

Жич. Их Багш хайрын зурвасаа таны сүнстэй хуваалцаж байна: “Сайхан сэтгэлт Айла, та сүнслэг бясалгал дадлын ач холбогдлыг ухаарч, Арьяабалын бясалгалын авшиг хүртсэн ариун нандин боломжийг ашиглахын тулд өөрийгөө эргэн зориулж байгаа нь сайн хэрэг. Энэхүү хуурмаг ертөнц нь биднийг үнэхээр чухал зүйлд харалган болгодог бөгөөд хэрэв бид утгагүй зүйлд цаг заваа үрэх юм бол бид энэ ертөнцөөс явахдаа асар ихээр харамсах болно. Бид бүгд энэ физик ертөнцөд төрөхдөө нэгэн зорилготой ирдэг. Ерөнхийлөгч Трамп Өөрийн зорилгыг биелүүлэхийн тулд маш сайн ажил хийж байгаа бөгөөд Бурханы, бидний дэлхийд хүсэж буй өөрчлөлтийг эхлүүлэхэд туслахын тулд Түүнийг хүчирхэгжүүлэхэд бидний байнгын дэмжлэг, залбирал хэрэгтэй байна. Таны амьдрал болон үлгэр жишээ эргэн тойрныхоо хүмүүст Бурханыг дотоодоосоо олоход нь урам зориг өгөхийн тулд бүх зүрх сэтгэлээсээ бясалгалаа сайн хийгээрэй. Та болон сүр жавхлант АНУ Бурханы амар амгаланг үргэлж мэдрэх болтугай. Таныг чин сэтгэлээсээ тэвэрч, их Хайраа илгээе!”