Сүнслэгээр бясалган, дадуулахгүйгээр бид цаг үргэлж хамгаалагдаж чадахгүй, учир нь хохирлын шалтгаан нь бидний үйлдлийнхээ үр дагаврыг буцаан төлөх шийтгэл, хамтын үйлийн үр юм.

Индонезоос Ваваны индонези хэлээр ирүүлсэн сэтгэлийн үгийг одоо хүргэе:

Эрхэм Төгс Гэгээрсэн Их Багш Чин Хай, Суприм Мастер ТВ-ийн багт, Эргэн Нэгдсэн Хамгаас Хүчирхэг Гурав мөн та бүхний шаргуу хөдөлмөр, золиослолд баярлалаа, ингэснээр бид энэхүү гайхалтай, хүчирхэг нэвтрүүлгийг үзэх боломжтой боллоо. Бид Арьяабалын бясалгалын аргаар бясалгаж мөн Их Багшийн эрхэм зорилгод тусалж байхдаа хамгаалагдсан тухай туршлагаа хуваалцахыг хүсэж байна.

Эхнийх нь сахилгагүй нөхдүүдийн бүлгээс хамгаалагдсан тохиолдол юм. Би өдөрт 10-12 цаг ажилладаг, ахмад настан болон хүүхэд асрах үүрэгтэй, заримдаа веган мэдээлэл түгээх цаг олох нь надад хэцүү байдаг мөн 11.5 цаг бясалгал хийх гэж оролддог. Ихэвчлэн би олон хүнтэй газруудад очдог байв. Би мөн орон сууцны хорооллуудаар явж, гар утаснаасаа Өдөр Тутмын Хамгийн Хүчирхэг Залбирлыг чангаар тоглуулж байх зуураа веган гарын авлага болон Суприм Мастер ТВ / Макс картуудыг хашаан дээгүүр эсвэл машины дээр байршуулдаг. Зарим эрчүүд бусдыг дарамталж байгааг хартал шөнө дунд болж байлаа. Тэдний зарим нь бүр над руу давхиж, тэдний нүд нь над дээр байхыг харсан ч, хачирхалтай нь тэд зүгээр л миний хажуугаар өнгөрөв. Би Ариун Нэрс болон Өдөр Тутмын Хамгийн Хүчирхэг Залбирлыг чимээгүй давтаж байхдаа веган гарын авлагыг олон нийтэд тарааж байхад зарим “муу” хүмүүс намайг хараагүй мэт санагдсан бөгөөд ийм зүйл хэд хэдэн удаа тохиолдсон.

Хоёр дахь тохиолдол нь ойролцоогоор 4-5 жилийн өмнө, авшгийн үеэр би Төвд Куань Инь Элчид орчуулагчаар тусалж байх үед юм. Би Их Багш эсвэл Төвд зориулж ямар нэгэн зүйл хийх бүртээ, Их Багшаас удирдамж болон тусламж хүсэн, намайг Таны багаж, хэрэгсэл болгон ашиглаач гэж гуйдаг. Эхлэхээс гучин минутын өмнө Элч надаас, түүнтэй хамт суугаад бясалгахыг хүссэн. Биеийг минь тойрсон Гэрлийн цагираг намайг хамгаалж байгаа мэт дээш доош хөдөлж байгааг би харж, мэдэрч байлаа. Би бас ямар ч асуудалгүйгээр орчуулж чаддаг байсан. Авшгийн дараа, тэр үед ярьж байсан хүн нь би биш юм шиг, өмнө нь юу хэлснээ бараг санасангүй, гэвч үүнийг хийсэн нь Их Багшийн туслалцаа байсан.

Сүүлд болсон тохиолдол нь миний Төвд шөнөжин хийсэн 11.5 цагийн бясалгалын нэг юм. Би нисэн гарч мөн Таныг, Их Багш аа, асар том бөгөөд тод гэрэл гэгээтэй, Дэлхийг тэврэн мөн Таны нулимс тань гараг, дэлхийг бүрхсэн хөх ногоон энерги болж хувирахыг харсан. Дэлхийн үйлийн үрийн төлөөх Таны өвдөлтийг зүрх сэтгэл минь зурвасхан мэдрэхэд нулимс минь урсаж байлаа. Тэр шөнөөс хойш нэг юм уу хоёр хоногийн дараа, Суприм Мастер Телевизээр Их Багш гарагийг хамгаалах “ногоон Бүрхүүл” бүтээж буй бичлэгийг цацав. Индонезоос Ваван

Чин зориулалттай Ваван, Тэнгэрлэг хамгаалалтын талаарх туршлагаа хуваалцсанд баярлалаа. Таны үгийг сонссон хүмүүс гэгээрсэн Их Багштай бясалгал, дадлага хийх нь бидний амьдралыг үргэлж Хайр болон Халамжаар хамгаалж, харж байдаг Бурханы гарт даатгадаг гэдгийг ойлгоно гэж найдаж байна. Та болон Индонезийн зоригт ард түмэн Бурханы хэмжээлшгүй Нигүүлсэлд амар амгаланг олох болтугай, Суприм Мастер ТВ-ийн хамт олон

Жич. Мастер танд тун эргэцүүлсэн бодолтой хариулж байна: “Чинхүү итгэлтэй Ваван, Дэлхийгээ болон сүнснүүдийг аврахад зориулсан чин үнэнч занд тань миний зүрх сэтгэл үнэхээр их хөдөлж байна. Тэнгэр таныг ивээж, хамгаалах болтугай! Веган мэдээлэл болон Суприм Мастер TВ / Max картуудыг зөвхөн аюулгүй газар тараахаа анхаараарай. Өөрийгөө шаардлагагүй аюулд бүү оруулаарай. Олон хүмүүс Бурханд хандан хамгаалалт гуйн залбирдаг бөгөөд Тэр ч үргэлж тусалдаг, гэвч ихэнх нь сөрөг туршлагад хүргэдэг шинэ үйлийн үрийг байнга бий болгодог. Сүнслэгээр бясалган, дадуулахгүйгээр бид цаг үргэлж хамгаалагдаж чадахгүй, учир нь хохирлын шалтгаан нь бидний үйлдлийнхээ үр дагаврыг буцаан төлөх шийтгэл, хамтын үйлийн үр юм. Хүн авшиг хүртэх үед тэдний үйлийн үрийн дийлэнх нь устгагдан, арилдаг ба Их Багшийн Хүч үлдсэн хэсгийг нь зөөлрүүлж, шавийгаа хамгаалахад тусалдаг. Энэ бол Гурван ертөнцөөс ангижрах зэргийг багтаан, авшиг хүртэхийн тоо томшгүй олон ашиг тусын зөвхөн нэг нь л юм. Та болон гайхамшигтай Индонези улс дээр Бурханы Гэрэл тодоор гэрэлтэх болтугай. Танд үүрд мөнхийн Хайрыг илгээж байна!”