ӨДӨР ТУТМЫН МЭДЭЭ-ний гол тойм – 2025 оны 9-р сарын 20

АНУ-ын Ерөнхийлөгч Трамп Хамас бүлэглэлд олзлогдсон израилчуудыг Газын зурваст ​​“хүн бамбай” болгон ашиглахгүй байхыг анхааруулж, үүнийг “хүнлэг бус аймшигт үйлдэл” гэж нэрлээд, энэ нь Хамаст ноцтой үр дагавар авчирна хэмээн мэдэгдэв. (Альжазира)

Энэтхэг улс шар буурцгийн сүү, мөөг зэрэг веган хүнсний бүтээгдэхүүний борлуулалтын татварыг 5% хүртэл бууруулжээ. Энэ нь АНУ-ын гаалийн татварт хариу үзүүлэхийн зэрэгцээ 2030 он гэхэд 1.9 тэрбум ам.долларт хүрэхээр тооцогдож буй веган салбараа дэмжих зорилготой. (VegNews)

АНУ-ын цэргүүд Венесуэлийн ойролцоох олон улсын усанд мансууруулах бодисын терроризмтой холбоотой 3 этгээдийг хөнөөжээ. Энэ нь 9-р сард Трен де Арагуа гэмт бүлэглэлтэй холбоотой хар тамхины бүлэглэлийн эсрэг хийсэн хоёр дахь цохилт юм. (Фокс Ньюс)

АНУ-ын Ерөнхийлөгч Трамп АНУ-д хөрөнгө оруулж буй гадаадын компаниудад түр хугацаагаар өөрийн мэргэжилтнүүдийг авчрахыг зөвшөөрөхийг дэмжлээ. Ингэснээр хөрөнгө татахын зэрэгцээ америк ажилчдыг усан онгоц, компьютер, галт тэрэг, хагас дамжуулагч зэрэг нарийн цогц бүтээгдэхүүн үйлдвэрлэхэд сургах боломжтой гэж үзсэн байна. (Фокс Ньюс)

[АНУ-ын] Цагаан ордон консерватив идэвхтэн Чарли Киркийн амийг хөнөөсний дараа улс төрийн хүчирхийлэл нэмэгдэж буйтай холбоотойгоор Конгрессоос 58 сая ам.долларын хамгаалалтын нэмэлт санхүүжилт хүсжээ. (Фокс Ньюс)

Кубын иргэн [Техас мужийн] Даллас хотод нэгэн эрийг эхнэр, хүүгийнх нь нүдэн дээр хэрцгийгээр хөнөөсөн хэрэгт буруутгагдаж, АНУ-ын Ерөнхийлөгч Трамп цагаачлалын хуулийн хэрэгжилтийг чангатгахаа амлалаа. Ерөнхийлөгч Трамп сэжигтнийг хууль бус цагаач бөгөөд өмнө нь эрүүгийн гэмт хэрэгт холбогдсон тул албадан гаргах ёстой байсныг огт суллах ёсгүй байсан гэж мэдэгдээд, энэ эмгэнэлт хэрэг гарах нөхцөл бүрдүүлсэн гэж Байденыг буруутгав. (Фокс Ньюс)

Куб улс иргэдээ буцаан хүлээж авахаас татгалзсан тул суллагдсан гэмт хэрэгтнүүдийн эсрэг хатуу арга хэмжээ авсан холбооны албаныхныг Ерөнхийлөгч Трамп магтлаа. (Фокс Ньюс)

Ерөнхийлөгч Трамп АНУ-ын компаниудад орлогоо улирал болгон биш, жилд хоёр удаа тайлагнахыг зөвшөөрөхийг санал болгон, энэ нь зардлыг бууруулж, урт хугацааны бизнесийн менежментийг дэмжинэ гэж мэдэгдэв. (Нью-Йорк Пост)

Япончуудын согтууруулах ундааны хэрэглээ буурч байна. 2025 оны 8-р сард шар айргийн борлуулалт өнгөрсөн жилтэй харьцуулахад 9%-иар буурчээ. 20-29 насныхны бараг тал хувь нь хэзээ ч архи ууж үзээгүй, мөн 60 орчим хувь нь ажлын дараа архи уухыг эсэргүүцдэг нь үе дамжсан томоохон өөрчлөлтийг харуулж байна. (Тань Ниень)

Эмч нар төмс нь витамин С, калигаар хангадаг тул биеийн төрөлх коллагены үйлдвэрлэл, булчингийн үйл ажиллагааг сайжруулдаг гэв. Тэжээллэг веган хооллолтын нэг хэсэг болгон төмсийг тогтмол идэх нь зовуурийг багасган, булчингийн үйл ажиллагааг дэмжиж, өвдөлт, хөшүүн байдлаас ангижрахад тусалдаг. Өглөө, өдөр, оройн хоолондоо уураар жигнэж, чанаж, шарах шүүгээнд жигнэж идээрэй. (Sức Khỏe Người Cao Tuổi)

Уламжлалт анагаах ухааны эмч нар эрдэнэ шишийн мяндас, таван салааны цай байгалийн шээс хөөх үйлчилгээтэй, бөөрний даралтыг бууруулж, хорт бодисыг зайлуулан, ургамлын гаралтай флавоноид, витамин К-гаар дамжуулан цусны даралтыг тогтворжуулдаг гэж үздэг. Эрдэнэ шишийн мяндас, хатаасан таван салааг 10-15 минутын турш зөөлөн буцалгана. Бөөр, давсгийн эрүүл мэндийг дэмжихийн тулд энэ цайг тогтмол уугаарай. (Tủ thuốc tuổi già)

Хоол тэжээлийн мэргэжилтнүүд наран цэцгийн үрийг хараанд сайн гэж зөвлөж байна. Витамин Е, селен агуулдаг тул нүдний эмзэг эсийг исэлдэлтийн гэмтлээс хамгаалж, эрүүл тос нь урт хугацааны харааны эрүүл мэндэд зайлшгүй шаардлагатай шим тэжээлийн шимэгдэлтийг сайжруулдаг. Нүдний хараагаа эрүүл байлгахын тулд шим тэжээлээр баялаг веган хоолны нэг хэсэг болгон өдөр бүр бага зэрэг идээрэй. (Hành Trình Khoẻ Về Già)

[Египетийн] Каир: 13 настай хүү гурван боодолгүй бэлэн гоймон идсэний улмаас нас барсан байна. Тэрээр ходоод нь хүчтэй өвдөж, бөөлжиж, улмаар хоол боловсруулах замын түгжрэлээс болж эмнэлэгт хүргэгдэх замдаа нас баржээ. Энэхүү эмгэнэлт явдал ТикТок дээрх хуурай гоймонг няцалж, идэх “Бэлэн гоймонг түүхийгээр нь ид” сорилтын аюулыг дахин сэрэмжлүүлэв. (VnExpress)

Судалгаанаас харахад Коста Рика эрүүл мэндийн салбарт АНУ-аас арав дахин бага мөнгө зарцуулдаг ч шош, хүнсний ногоогоор баялаг ургамлын гаралтай хооллолт, өдөр тутмын дасгал хөдөлгөөн, тамхи бага татдаг, олон нийттэй нягт холбоотой байдгийнхаа ачаар коста рикачууд урт насалдаг ажээ. (VietNamNet)

Алтны хууль бус худалдаа [Мексикийн] Сьерра Горда бүс нутагт мөнгөн усны олборлолтыг нэмэгдүүлж, орон нутгийн иргэд болон байгаль орчныг хордуулж байна. Ядуу уурхайчид эрүүл мэндээ эрсдэлд оруулан, хорт металлыг олборлож, хар тамхины бүлэглэлүүд энэ наймаанд улам бүр оролцож байгаа юм. (Хүнсний үйлдвэрлэл)

Ау Лак (Вьетнам): Хань Хоа, Ламь Дон дахь үерийн улмаас хурдны зам дээгүүр улаан элс урсаж, тариалангийн талбайг сүйтгэжээ. (VnExpress)

[Ау Лак (Вьетнам)-ын] Хошиминий өмнөд хэсгүүд гүний усыг хэт их хэмжээгээр олборлож, байгалийн ус зайлуулах сувгийг хаасны улмаас хурдацтай живж, хот даяар үерийн эрсдэл нэмэгдсээр байна. Үүнтэй төстэй асуудал Кань Тхо, Винь Лон, Хау Зиан зэрэг газруудад ч мөн ажиглагдаж байгаа юм. (Бао Түөи Трэ)

[Энэтхэгийн] Дехрадун: Дуу цахилгаантай хүчтэй аадар бороо үерлүүлж, хөрсний гулгалт үүсгэн, олон хүний амь насанд хүрчээ. Мэргэжилтнүүдийн хэлснээр хотжилтын хурдацтай өсөлт, уур амьсгалын өөрчлөлт ийм хүчтэй, гэнэтийн шуургыг улам гааруулж байна. (The Times of India)

[Хятадын] Жуони мужид ховор тохиолддог хүчтэй мөндөртэй шуурга үер буулгаж, тариалангийн талбай, байшингуудад зузаан мөсөн давхарга үүсгэн оршин суугчдыг цочирдуулан, өдөр тутмын амьдрал, тариалангийн үйлдвэрлэлд саад учрууллаа. (The Watchers)

[Малайзын] Сабах: Хөрсний гулгалт долоон хүний ​​аминд хүрэв. Гурав нь сураггүй хэвээр байна. (The Vibes)

Тайланд: Их хэмжээний бороо орж, гол мөрний усны түвшин нэмэгдэн, 12 мужийг хамарсан үер болсны улмаас 3 хүн амиа алдаж, 160,000 гаруй хүн өртжээ. (VTV)

Испанид 1961 оноос хойших хамгийн халуун зун болж, агаарын хэм, түймэрт өртсөн нутаг аль аль нь өмнө байгаагүй хэмжээнд хүрлээ. Энэ нь уур амьсгалын өөрчлөлтөөс үүдэлтэй үхэл дагуулсан халуун давлагаа, ой хээрийн түймэр улам эрчимжиж буйг харуулж байна. (Ройтерс)

Сэргээгдэх эрчим хүч одоо АНУ-ын хоёр дахь том эрчим хүчний эх үүсвэр болж, 2025 оны эхээр эрчим хүчний бараг 28 хувийг хангажээ. Нарны эрчим хүч нь усан цахилгаан станц, газрын гүний дулаан, биомассыг нийлүүлснээс илүү их цахилгаан үйлдвэрлэж байна. (The Cool Down)

Арабын Нэгдсэн Эмирт Улсын судлаачид дэлхий даяар сар бүр 1.4 тэрбум онлайн хэрэглэгчийн бүртгэл хакердуулж байгааг анхаарууллаа. Эрсдэлд хувийн мэдээлэл хулгайлагдах, залилан, нууцлал алдагдах зэрэг орно. Албаныхан хэрэглэгчдийн сэрэмжтэй байдлыг нэмэгдүүлэх, аюулгүй апп, өгөгдөл, төхөөрөмж хэрэглэхийг уриалжээ. (Бао Түөи Трэ)

Дэлхий дахинд веган өндөгний борлуулалт 2030 он гэхэд гурав дахин өсөх хандлагатай байгаа бөгөөд энэ нь илүү эрүүл, ургамалд суурилсан сонголтуудын сонирхол нэмэгдэж, шувууны өвчний дэгдэлттэй холбоотой санаа зовнилоос үүдэлтэй. (DataM intelligence 4 Market Research LLP)

Кени: Цагдаа, амьтан-хүний халамжийн бүлгүүд гөлөг үржүүлгийн аж ахуйг хааж, хүчирхийлэлд өртсөн 10 нохой-хүнийг аварчээ. Худалдагчийг нь баривчилсан бөгөөд идэвхтнүүд эмчилгээ хийлгэх, хууль бус худалдааг таслан зогсоох зорилгоор дайралт зохион байгуулахад тусламж хүсэв. (Амьтдад зориулсан сүлжээ)

[Ау Лак (Вьетнам)-ын]: Кюан Три аймаг: Котекконс хэмээх барилгын компани ойг нөхөн сэргээх зорилгоор 12,000 шахам мод тарьж, чүт уугуул иргэдэд бэлэг, тэтгэлэг олгон, сууринд тусламж үзүүлжээ. (VTV)

АНУ-ын ашгийн бус Олон улсын Амьтныг Хамгаалах Сан [АНУ-ын] Массачусетс мужид далайн эргийн гүехэн усанд гацсан 11 далайн гахай-хүнийг хиймэл дагуулын тэмдэглэгээ, мал эмнэлгийн тусламжтайгаар аварсан байна. (NBC)

Америкийн буяны эмнэлгийн сувилагч Эрика Маккензи нас барж, хооллох эмгэгийг нь эдгээсэн Бурхантай хэрхэн учирсан тухайгаа ярьжээ.

Эрика 12 настайгаасаа эхлэн булимиа өвчнөөр шаналжээ. Булемиа бол их хэмжээгээр хэтрүүлэн идсэний дараа зориуд бөөлжих эмгэг юм. Энэ нь нийгмийн гоо сайхны жишигт нийцүүлэхийн тулд түүний өөртөө тавьсан өндөр дарамтаас үүдэлтэй байв. Түүний энэ зовлон их сургуульд сурч байх үе, гэрлэх, эх болох, сувилагчийн ажил хийх хүртэл бүх амьдралынх нь турш үргэлжилжээ. Эрикагийн анхны ажил нь fen-phen гэх мансууруулах үйлчилгээтэй тураах эм бичиж өгөх ажил байлаа. Тэр өөрөө энэ эмд 9 жилийн турш донтсон байна. Энэ эм нь түүнийг унтаж чадахгүй, зан араншныг нь тогтворгүй болгон, хүнд хэлбэрийн амьсгалын асуудалд оруулжээ.

Нэгэн шөнө амьсгал боогдсоных нь дараа нөхөр нь Эрикад зочид буудалд амрахыг зөвлөсөн байна. Толгой нь манарч, сандарсан тэрээр усанд орохдоо үхэх вий гэж айн, гутал, үнэмлэхээ ч авч чадалгүй өрөөнөөсөө зугтав. Машины зогсоол дээр нэг машин түүн рүү тулж ирсэн ч жолооч нь цагтаа зогсож чадсан байна. Машинд нь Библи байгааг хараад Эрика энэ бол Тэнгэрийн дохио гэж мэдэрч, тэр эрэгтэйд итгэжээ. Эрэгтэй түүнийг сүмд аваачихад пастор нь түүнийг дотогш дэмнэн оруулж туслав. Эрика өөрийнхөө нэрийг ч санахгүй, амьсгал нь давчдан байлаа. Пастор түүнийг Бурханд итгэдэг эсэхийг асуулаа. Эрика “Би Бурханд итгэдэг.” гэж батлаад, эцсийн амьсгалаа гарган, биеэ орхижээ.

Эрикагийн сүнс тааз хүртэл дээшилж, догдлон, эрх чөлөөтэй болж, түргэний эмч нар бие дээр нь ажиллаж байгааг яг л кино шиг харж байв. Тэр өөрийнхөө биеийг биширч байсан ч энэ нь түүний жинхэнэ дүр биш гэдгийг ойлгосон байна. Сахиулсан тэнгэрийн оршихуй Эрикаг хайраар бүрхэн, хонгилоор дуунаас хурдан хурдтайгаар хөтөлж, дэлхийн мэдрэхүйгээр хязгаарлагдахгүй, үгээр илэрхийлэхийн аргагүй аз жаргалд умбууллаа. Дараа нь галактик шиг огторгуйд оддоор хүрээлэгдсэн Бурханы агуу оршихуй ирэв. Эрика гэртээ байгаа мэт санагдаж, Бурхантай бодлоороо ярилцан, харин Бурхан хайраар хариулж байжээ. Бурхан түүнд төрсөн цагаас нь эхлээд анхны шүд нь унасан, ахлах сургуулиа төгссөн, ээж болсон зэргийг онцлон, амьдралынх нь тоймыг харуулав. Эрика Христийн шашны хүмүүжлээрээ сурсанчлан Бурхан өөрийг нь шүүнэ гэж бодсон ч тэгсэнгүй. Харин ч Тэрээр түүний айдсыг хайраар сольж, шүүлт бол хайрын эсрэг зүйл гэдгийг түүнд заажээ. Эрика өөрийгөө шүүх гэж маш их цаг зарцуулан, булимиа, донтолт гэх мэт хорт зуршилтай болж, улмаар үхэлд хүрснээ гэнэт ухаарав.

Дараа нь Бурхан Эрикад автомашины хэмжээтэй асар том нүдний шил өгч, Эрика гайхамшигтайгаар зүүн, амьдралынхаа анхны тоймд дутуу байсан бүх зүйлийг дахин харлаа. Эдгээр нь Түүнд хамаатай зүйл гэдгийг Бурхан тайлбарлав. Эрика хүмүүсийн тоодоггүй жижиг сайн үйлс жинхэнэ үнэ цэнтэй болохыг ойлгожээ. Жишээлбэл тэрээр нэгэн настай эмэгтэйд “Есүс намайг хайрладаг” гэдэг дуу дуулсан тохиолдлыг харав. Тэр эмэгтэй хайр дүүрэн хариу өгчээ. Энэ мэт мөчүүд л бусдын амьдралд хамгийн урт хугацааны эерэг нөлөөг үлдээдэг гэдгийг Эрика ойлгосон байна.

Дараа нь тэр өвөрмөц бэлгүүдээр дүүрэн номын тавиуруудыг харахад Бурхан түүнд төрөх үед нь тэвчээр, гоо үзэсгэлэнг нь, гаднах гоо үзэсгэлэнг биш, харин түүний зүрх сэтгэлийн гоо сайхныг өгсөн гэж тайлбарлав. Үүнийг ойлгоод Эрика өөрийгөө үнэ цэнгүй гэж боддог байсан мэдрэмжээс ангижирчээ.

Дараа нь Бурхан түүнд Дэлхийг галд автсан байдалтай харуулж, сүнснүүд Диваажин өөд өргөгдөж байгааг үзүүлэв. Тэд галд шаталгүй, аюулгүйгээр дээшилж байхад зарим нь ард үлджээ. Энэ нь хайртай холбоотой гэдгээ хүлээн зөвшөөрөхгүй гэж сонгосон хүмүүс байв. Эрика Бурханы асар их гунигийг мэдэрч, Түүнийг тайтгаруулахыг хүсжээ. Хайрын холбоо нь сүнсийг тэжээж, үүнийг сонгосон хүмүүс дээшилж, бусад нь ард үлддэг гэж Бурхан тайлбарласан байна.

Эрика Диваажин дахь сүнснүүдтэй нэгдэхийг хүссэн ч Бурхан түүнийг зогсоон, тэвчээр, гоо үзэсгэлэн, мэдлэг, мэргэн ухааны шинэ бэлгүүдтэйгээ буцах ёстой гэж хэлэв. Тэрээр түүнд бусдыг чимээгүйхэн сонсож, олон сая хүний ​​амьдралыг өөрчлөхөд эдгээр бэлгүүдийг ашиглахыг захижээ. Эрикаг эсэргүүцэж амжаагүй байтал ууртай, үзэн ядсан дуу хоолойгоор дүүрсэн удаан, харанхуй хонгил руу түлхэгдлээ. Хонгилын гарууд түүнийг татан, амьдралын хүчийг нь шавхаж байв. Тэрээр Бурханыг дуудан, хайрын холбоогоо сэргээснээр тэднээс дээш өргөгдөж чадсан байна. Удалгүй Эрика яаралтай тусламжийн өрөөнд өөрийн бие дээгүүр хөвж байхдаа буцаад биедээ түлхэгдэн оржээ.

Эдгэрснийхээ дараа Эрика клиник үхэлд орж үзэж харснаа ярин, буяны эмнэлгийн сувилагч болж, бусдад үхэлд амар тайван хандахад нь туслан, хайрын амьдрал, үйлдэл бүр чухал гэдгийг онцолдог болжээ. (Гэртээ ирэхүй)

Энэ өдрийн урам өгөх эшлэл: “Бяцхан хүүхдүүд минь, та нар Бурханых бөгөөд [муугийн сүнсийг] ялсан. Учир нь та нарын дотор байгаа Тэрээр дэлхийд байгаа хүнээс илүү агуу.” — Оройн дээд БУРХАНЫ Хүү Эзэн Есүс Христ (цагаан хоолтон)