ӨДӨР ТУТМЫН МЭДЭЭ-ний гол тойм – 2025 оны 11-р сарын 14

Суданы Шуурхай туслах хүчин (RSF) энгийн иргэдийг хамгаалах, RSF болон Суданы Зэвсэгт хүчин (SAF)-ий хооронд урт хугацааны энхийн хэлэлцээ хийх замыг нээх зорилготой, АНУ тэргүүтэй, гурван сарын хугацаатай гал зогсоох хэлэлцээрт нэгдэхийг зөвшөөрчээ. (ВнЭкспресс)

АНУ-ын Ерөнхийлөгч Трамп газрын ховор элементийн нөөцийг баталгаажуулах, Төв Азитай харилцаагаа бэхжүүлж, Хятадаас хараат байдлыг багасгах зорилгоор Төв Азийн 5 орны удирдагчийг хүлээн авч уулзлаа. (AP)

АНУ, Төв Азийн таван орны хооронд дипломат уулзалт хийсний 10 жилийн ойн хүрээнд Вашингтон хотод болсон С5+1 дээд хэмжээний уулзалтын үеэр Казахстан, Тажикстан, Узбекистаны агаарын тээврийн компаниудад 37 хүртэлх ширхэг Боинг онгоц худалдах талаар Төв Азийн орнуудад агаарын хөлгийн гэрээ байгуулснаа мэдэгджээ. (Ройтерс)

Узбекистан ирэх гурван жилийн хугацаанд АНУ-д 35 тэрбум ам.долларын худалдан авалт, хөрөнгө оруулалт хийхээр төлөвлөж, АНУ-ын Ерөнхийлөгч Трампын засаг захиргаатай байгуулсан худалдааны шинэ хэлэлцээрийн дагуу ойрын арван жилд 100 гаруй тэрбум ам.долларын урт хугацааны зорилт тавьж байна. (Ройтерс)

НҮБ-ын Аюулгүйн зөвлөл Сирийн ерөнхийлөгч Ахмад аль-Шарааг [АНУ-ын] Цагаан ордонд хийх түүхэн айлчлалаас хэд хоногийн өмнө хориг арга хэмжээг цуцалсан нь Сирийн шинэ эрин үеийг эхлүүлж буй улс төрийн хүчтэй дохио болж байна. (AP)

АНУ-ын Ерөнхийлөгч Трамп Камбож, Тайландын хооронд гал зогсоох хэлэлцээрт гарын үсэг зурсны дараа АНУ Камбожид тавьсан батлан ​​хамгаалах худалдааны хоригоо цуцаллаа. (Бангкок Пост)

Брюсселийн нисэх онгоцны буудал болон АНУ-ын цөмийн зэвсгийг хадгалдаг цэргийн баазын ойролцоо нууц дрон илэрсний дараа Их Британи улс Бельги улс руу дрон хянах төхөөрөмж болон Хатан хааны агаарын хүчний мэргэжилтнүүдээ илгээлээ. (AP)

АНУ одоо чихрийн шижин, зүрх судасны өвчин зэрэг архаг өвчтэй гадаадын иргэдэд нийгмийн эрүүл мэндийн зардлын шалтгаанаар виз, ногоон карт олгохоос татгалзаж магадгүй байна. Тус бодлогыг ихэвчлэн байнгын оршин суух өргөдөл гаргагчдад ашиглах төлөвтэй байгаа ажээ. (Сент Винсент Таймс)

Герман улс Халуун орны ойн мөнхийн байгууламж хэмээх Бразилын халуун орны ой хамгаалах санаачилгад санхүүгийн дэмжлэг үзүүлэхээ амлалаа. Уг санаачилга нь Бразил, Индонез, Норвег, Франц улсуудаас хэдийнээ 5.5 тэрбум ам.долларын санхүүжилт аваад байна. Тус хөтөлбөр нь хөгжиж буй 74 оронд халуун орны ойг хамгаалахад зориулж 125 тэрбум ам.доллар цуглуулж, эдгээр газар нутгийн 20%-ийг уугуул үндэстнүүдэд олгохыг зорьж байна. (Евро Ньюс)

ЕХ-ны тэнгисийн цэргийн ESPS Victoria хөлөг онгоц Сомалийн далайн дээрэмчдийн халдлагад өртсөн Мальта улсын далбаатай танкер хөлөг онгоцонд байсан багийн бүх 24 гишүүнийг эсэн мэнд аварчээ. Энэ нь 2023 оны 5-р сараас хойш Сомалийн ойролцоох арилжааны хөлөг онгоц руу хийсэн анхны халдлага болжээ. (Евро Ньюс)

Испанийн цагдаа нар тус улсын шоронгийн гэмт хэргийн сүлжээг таслан зогсоох анхны арга хэмжээний хүрээнд таван хотоос Венесуэлийн Трен де Арагуа бүлэглэлийн гишүүн байж болзошгүй 13 хүнийг баривчилжээ. Мөн үйл ажиллагааны хүрээнд хар тамхины хоёр лабораторийг илрүүлж, бусад синтетик хар тамхи, кокайныг хураан авчээ. (Евро Ньюс)

АНУ-ын Ерөнхийлөгч Трамп Данийн Ново Нордик корпорац болон АНУ-д төвтэй Эли Лилли компанитай гэрээ байгуулсны дараа жин хасах эмийн үнийг бууруулахаа мэдэгдлээ. (Нью-Йорк Пост)

Ерөнхийлөгч Трамп ахмад настны эрүүл мэндийн тусламж үйлчилгээг өргөжүүлж, 35-аас илүү БЖИ [биеийн жингийн индекс]-тэй таргалалттай өвчтөнүүдэд жин хасах эм олгохоор болжээ. (Нью-Йорк Пост)

АНУ-ын Дээд шүүх холбооны засгийн газарт паспортын өргөдөл гаргагчдаас эрэгтэй, эмэгтэй хүйс сонгох шаардлагыг зөвшөөрч, Байдены үеийн жендерийн “X” сонголтыг зогсоожээ. Уг шийдвэр нь шинжлэх ухаан, спорт, цэргийн салбарт биологийн хоёр л хүйсийг хүлээн зөвшөөрдөг Ерөнхийлөгч Трампын бодлоготой нийцэж байна. (Фокс Ньюс)

АНУ-ын Төлөөлөгчдийн танхимын спикер асан [Ардчилсан намын] Нэнси Пелоси 2027 оны 1-р сард тэтгэвэртээ гарахаа мэдэгджээ. Ерөнхийлөгч Трамп уг шийдвэрийг “Америкийн хувьд гайхалтай явдал” хэмээн сайшааж, "хорон муу, авлигач” Пелоси “намынхаа удирдлагыг алдсан” бөгөөд Өөрийг нь хоёр удаа огцруулахаар оролдсон ч амжилт олоогүй гэж мэдэгджээ. (Нью-Йорк Пост)

Хоол тэжээлийн мэргэжилтнүүд гак жимсийг ликопин, бета-каротин, Е амин дэм, эрүүл тосоор баялаг, тод улаан өнгийн супер хүнс бөгөөд нүдний эрүүл мэнд, арьс, дархлааг сайжруулдаг гэж магтдаг. Үүнд агуулагдах үл исэлдүүлэгчид нь амьдралыг дэмжих веган хоолонд оруулах үед эсийг хамгаалж, зүрхний эрүүл мэндийг дэмжиж, үрэвслийг багасгахад тусалдаг. Ердөө ганц халбага гак жимсний нухаш, эсвэл тос нь шим тэжээлийн шингээлтийг мэдэгдэхүйц нэмэгдүүлж, ургамлын гаралтай, эрүүл мэндэд хүчтэй нөлөөтэй ашиг тусыг нэмэгдүүлдэг. Үүнийг будаа, смүүти, сүмсэнд хольж идээрэй. (Винмек)

Мэргэжилтнүүдийн үзэж буйгаар аррорут нь зөөлөн, цавуулаггүй үндэс цардуул ба хоол боловсруулалтыг дэмжиж, ходоодонд ачаалал өгдөггүй. Энэ нь энерги бий болгож, зүрхний эрүүл үйл ажиллагаанд тусалдаг кали, төмөр, В аминдэмээр хангадаг. Пребиотик цардуулын хувьд гэдэсний бактерийн тэнцвэрт байдалд мөн тустай. Нунтаг аррорутыг веган шөл, амттанд өтгөрүүлэгч болгох, эсвэл хоол боловсруулах эрхтний эрүүл мэндэд зориулсан тэжээлийн зутан болгон идээрэй. (Healthline)

Эмч нар үзэж буйгаар цикори үндэс нь гэдэсний ашигтай бактерийг тэжээж, хоол боловсруулалтыг дэмжин, цусан дахь сахрын хэмжээг тогтворжуулж, муу холестериныг бууруулдаг пребиотик ургамлын эслэг болох инулинээр дүүрэн байдаг. Энэ нь мөн антиоксидантаар баялаг тул үрэвслийг багасгахад тусалдаг. Цикорийн кофе нь гэдэс, элэгний эрүүл мэндийг дэмждэг, кафейнгүй, эрүүл хувилбар юм. Өдөр тутмын хоол боловсруулах тэнцвэрт байдлыг хангахын тулд цай, кофег орлуулан хандалж хэрэглээрэй. (WebMD)

Аулак (вьетнам)-чууд шүд цоорох өвчний улмаас шүдээ эрт алдаж байгаа бөгөөд өндөр настнуудад дунджаар ердөө 10-12 шүдтэй байгаа нь бусад улс орнуудтай харьцуулахад хамаагүй бага байна. Мэргэжилтнүүд ялангуяа сургуулиудад шүдний эрүүл мэндийн хөтөлбөрүүдийг өргөжүүлэх шаардлагатайг онцолж байна. (ВнЭкспресс)

Туркт болсон хиамны баярын үеэр 80 хүн хоолны хордлого авч, эмнэлэгт хүргэгдсэн аймшигтай явдал болжээ. Эдгээр хүмүүс янз бүрийн амьтан-хүний махан зайдас идсэний дараа дотор муухайрах, бөөлжих, гэдэс өвдөх зэрэг шинж тэмдэг илэрсэн байна. (Дэйли Стар)

Хятад улс амьсгалын замын өвчлөлийн оргил үедээ орж байгаа бөгөөд улсын хэмжээнд эмнэлгүүдэд томуу, риновирус зэрэг улирлын чанартай өвчин үүсгэгчээс үүдэлтэй ханиалгах, халуурах, уушгины хатгалгаатай төст шинж тэмдэгтэй хүүхдүүд нэмэгдсээр байна. (Бао Тин Түк)

[Испанийн] Канарын арлууд: Тенерифе арал хүчтэй давлагаанд өртөх үед 3 хүн нас барж, 15 хүн бэртэж гэмтсэн бөгөөд Ла-Гуанча, Эль Кабезо, Пуэрто де ла Круз мужуудаас хохирогсдыг олжээ. (Ройтерс)

[Ау Лак (Вьетнам)-ын] Хо Ши Мин хотын баруун хойд хэсэгт хүчтэй салхи шуургатай ширүүн бороо орж, олон мод унаж, байшингийн дээврүүд эвдэрч, цахилгааны тасалджээ. (ВнЭкспресс)

[Ау Лак (Вьетнам)-ын] Хо Ши Мин хот: Хүчтэй аадар борооны улмаас Тан Сон Нят нисэх онгоцны буудалд олон нислэг саатжээ. (ВнЭкспресс)

11-р сарын эхээр Афганистанд болсон хүчтэй газар хөдлөлтийн дараа Туркменистан улс тус улсын хойд нутгийн ард иргэдэд эмнэлгийн хэрэгсэл, нэхмэл эдлэл, хүнс зэрэг хүмүүнлэгийн тусламж илгээлээ. (Анадолу Ажансы)

[Ау Лак (Вьетнам)-ын] Фукок арлын оршин суугч Трань Хоан Фуон Өмнөд Солонгосын жуулчинд оюун санааны зөнөгрөлийн улмаас сураггүй болсон, 70 настай залуухан ээжийгээ олоход тусалжээ. Ноён Фуон 500 ам. долларын шагналаас эелдгээр татгалзсан байна. (ВнЭкспресс)

[Ау Лак (Вьетнам)-ын] Ханой хот: Хатагтай Фун Ти Хай Ень долоон жилийн турш сайн дураараа 60-84 насны өндөр настан оюутнуудад англи хэл зааж, хэл яриа, нийгмийн харилцаа холбоогоор дамжуулан ахмад настнуудын ганцаардлыг намжаан, баяр баясгалан авчрахад тусалжээ. (VTV1)

“Тэгэхээр энэ бол хайр... Есүс бол Хайр. Тэр ‘Би чамд хайртай’ гэж хэлэх ч хэрэггүй байсан. Учир нь би үүнийг мэдэж байв. Тэр мөчид Түүний оршихуй бүхэлдээ Хайр байлаа. Тэгээд тэр намайг өргөж, ‘Надад итгэ, Надад итгэ’ хэмээн хэлсэн. Америкийн санваартан Хүндэт Рэнди Кэй их хэмжээний цусны бүлэгнэлтийн улмаас нас барж, Эзэн Есүс (цагаан хоолтон), тэнгэр элч нартай уулзаж, Диваажинг харан, амьдралын шинэ зорилготой буцаж ирсэн тухайгаа ярьжээ.

Шинжлэх ухаанд итгэдэг, клиник үхэлд орох явдлыг үл ойшоодог эмч асан Рэнди нэг л өдөр сэтгэлээр унаж, Бурханаас өөрийгөө илчлэхийг гуйн уйлжээ. Удалгүй вений судасны гүн тромбозоос болж хөлийн булчин нь маш их өвджээ. Цусны бүлэн нь ихсэж, уушгинд нь орж, үхлийн аюултай бөглөрөл үүсгэв. Рэндигийн цус өтгөрч, бие нь татвалзаж, зүрх нь зогсон, үхлийн ирмэгт иржээ. Ойр хавьд эмнэлгийн тусламж бага байсан тул тэрээр 30 минутын турш эмнэл зүйн хувьд үхсэн байна.

Рэнди тэр даруй харанхуйд орж, улмаар дээшилж буйгаа мэдэрлээ. Дээрээс гэрэл цацарч байв. Тэр алсад хачирхалтай, дайтаж буй дүрүүдийг хараад айдаст автсан байна. Есүсийн нэрийг дуудан хашхирахад, даруй амар амгалан иржээ. Тэр нэг гар өөрийг нь тэврэхийг мэдрэв. Тэр зогсож, өвдөхөө больсон бөгөөд энэ бол Эзэн Есүс гэдгийг ямар ч үг хэлэлгүйгээр мэдэж байлаа. “Тэгэхээр энэ бол хайр... Есүс бол Хайр. Тэр ‘Би чамд хайртай’ гэж хэлэх ч хэрэггүй байсан. Учир нь би үүнийг мэдэж байв... Би зүгээр л өвдөг сөхрөн суухад, Тэр намайг өргөж, ‘Надад итгэ, Надад итгэ’ хэмээн хэлсэн. Би Түүний нүүрэн дэх хууз сахлыг мэдэрсэн бөгөөд тэдгээр нь зөөлөн байв. Бор үс, урт бор үс… Ойрх Дорнодтой тун ойролцоо. Би Түүний нүдийг харсан бөгөөд хүрэн шар ногоон өнгөтэй байв. Тэр намайг нэвт харж, миний доторх харанхуй бүхэн рүү нэвтэрч, өмнө болон дараа нь миний амьдралдаа хэзээ ч мэдэрч байгаагүй амар амгалан, тайтгарлаар намайг гэрэлтүүлсэн. Үүнийг ‘гайхалтай’, ‘гайхамшигтай’ гэж хэлэх нь дэндүү багадуулсан хэрэг болно.”

Рэнди Диваажинг бол амьд, уудам Энхжиний орон гэж харсан бөгөөд өнгө нь дэлхий дээрхээс ч илүү тод, үнэр нь тоо томшгүй олон ялгаатай давхарга болж, байгаль нь мөнхийн амьд байжээ. “Амьдралын гол” энэ нутгаар Христийн Хайраас цацран урсаж, бүх зүйлийг тэтгэж байлаа. Ямар ч ялзрал, үхэл, улирал солигдох үзэгдэл байсангүй. Эзэн Есүс Рэндигийн дэргэд дотнын хүн шиг, гараараа тэврэн алхаж байв. Тэдний эргэн тойронд асар том долоон тохой [2.1 метр] өндөр, галт нүдтэй, зэс өнгийн арьстай, олон хүн нэгэн зэрэг ярьж буй мэт цуурайтсан хоолойтой сахиусан тэнгэрүүд байв. Тэд үнэхээр танил дотно, хүн шиг харагддаг Эзэн Есүстэй адилгүй, “өөр ертөнцийнх” мэт байжээ. Рэнди тусгаарлагдсан харшуудын оронд хайраар нэгдсэн суурин тосгодыг харжээ. Ямар ч ялгаварлал, шатлал, хуваагдал байсангүй. Тэрээр шинэчлэгдсэн биетэй хүмүүсийг харсны дотор эмээ нь залуу, гэрэлтэй байсан бөгөөд тэр даруй түүнийг таньжээ.

Рэнди мөн Диваажингийн үйл ажиллагааны гэрч болжээ. Тэнд хүмүүс Бурханы зааврын дагуу, барьж, бүтээж, бусад нь дэлхий дээрх хүмүүсийн төлөө зуучлан залбирч байв. Гурван хүн гар гараасаа хөтлөлцөн амьд хэвээр байгаа хэн нэгний төлөө залбирч, өршөөл, авралыг эрж байв. Диваажингийн үйлдлүүд хором бүрийг удирдан чиглүүлдэг Бурханы Оршихуйгаар дамжин өрнөдөг гэдгийг тэр ойлгожээ. Рэнди хүн төрөлхтөн Өөрөөс нь татгалзсанд харуусаж буй Эзэн Есүсийн гүн харууслыг мэдэрсэн бөгөөд Диваажин дахь цорын ганц уй гашуу энэ байв. “Есүс дотор миний ойлгосон цорын ганц гунигтай зүйл бол энэ дэлхий дээр Өөрийг нь танихгүй хүмүүсийг харж буй Түүний гуниг байсан юм. Бид Бурхан Өөрийн бүтээлүүдтэй, Өөрийн хайртай хамт байхыг хэчнээн хүсдэгийг бүрэн ойлгодоггүй гэж би бодож байна. Мөн төөрч, Түүнийг үгүйсгэж, Түүнээс холдохыг хүссэн хүмүүс бол Тэр дэлхийн хязгаар хүртэл явах, хэдийнээ явсаар байгаа зүйл бөгөөд нэг төөрсөн сүнсийг аврахын тулд Тэр хэрэв шаардлагатай бол зорьсон зүйлээ ч хойшлуулах болно.”

Цаг хугацаа байгаагүй, зөвхөн ухамсар л оршин байсан. Харанхуйн эсрэг нэг юүлүүр гарч ирэв. Эзэн Есүс үүнийг Рэндигийн ирсэн Дэлхий болон Диваажингийн хоорондох гарц гэж тайлбарлав. Рэндигийн мөрөн дээр итгэмээргүй өнгийн далавчтай эрвээхэй суужээ. Эзэн Есүс түүнд энэ нь түүний амьдралыг удирдан чиглүүлэх мэргэн ухааныг бэлгэдсэн гээд, дараа нь түүнийг буцаан илгээж байна гэж хэлэв. Рэнди эсэргүүцэл үзүүлэв. Диваажингийн баяр баясал буцахыг нь зовлонтой болгожээ.

“Диваажинд одсон таны хайртай хүмүүсийн хэн нь ч эргэж ирэхийг хүсэхгүй гэдгийг би маш итгэлтэйгээр хэлж чадна. Би эргэж ирэхийг хүсээгүй. Тиймээс би тэр үед Есүсийг эсэргүүцсэн юм.” Рэнди өөрийн зорилгоо асуув. Эзэн Есүс татгалзаж: “Би чамд зорилгыг чинь бүрэн өгөхгүй, эс тэгвээс чи надад бус, өөртөө найдах болно” гэж хэлжээ. Эзэн Есүс түүнд өөрийгөө тайван байлгаж, хором мөч бүрд Бурханд төвлөрч амьдран, амьдралын туршид түүнийг удирдан чиглүүлэх мэргэн ухаанд найд хэмээн сургажээ.

Рэнди ололт амжилт, байр суурь, итгэл үнэмшил биш, харин Бурханд ойр дотно байх, найдах гэсэн зорилго бүхий өөрчлөгдсөн ойлголттойгоор дэлхийд буцаж иржээ. “Миний гол зорилго бол Бурханыг илүү хайрлах явдал. Миний зорилго бол Их Эзэнд улам ойртох явдал. Учир нь би Бурханд ойртох тусам, Түүнд ойртох тусам Түүний надаас хүссэн зүйл урсан гарах болно гэдгийг би мэднэ. Тэгээд би Христ/Бурханы хүссэн хүн болох тусам би бараг ямар ч хүчин чармайлтгүйгээр амьдарч чадна. Бид [энд] зүгээр л зугаалах гэж ирээгүй. Бид өдөр бүр хором бүрд хийдэг зүйлстээ Бурханд улам ойртож, бидний алхмуудыг чиглүүлэх Бурханы Сүнсний дуу хоолойг сонсох санаа зорилготой байхын тулд [энд] ирсэн.” (Элбэг амьдрал)

Өдрийн дэвшүүлэх эшлэл: “Хайрлагдсан хүн үхэх боломжгүй. Учир нь хайр бол үхэшгүй мөнх юм.” - Эмили Дикинсон (цагаан хоолтон) Америкийн яруу найрагч