ӨДӨР ТУТМЫН МЭДЭЭ-ний гол тойм – 2025 оны 8-р сарын 1
Камбож, Тайланд улсууд нэн даруй ямар ч болзолгүй гал зогсоох тохиролцоонд хүрэв. Энэ нь АНУ-ын Ерөнхийлөгч Трампын ачаар болсон бөгөөд Тэрээр хоёр орны удирдагчидтай утсаар ярьж, тулалдахаа зогсоохгүй бол худалдааны гэрээ хийхгүй гэж анхааруулсан байна. (ВВС)
АНУ-ын Ерөнхийлөгч Трамп “Газын зурвасын асуудлаар Израил шийдвэр гаргах ёстой.” гэж мэдэгдээд, 2025 оны 7-р сард Газад зориулан өгсөн 60 сая ам.долларын хүнсний тусламж дээр нэмээд хүмүүнлэгийн тусламж үзүүлэхээ амлалаа. (Нью-Йорк Пост)
Израил Газ дахь хүмүүнлэгийн тусламжийг нэмэгдүүлэхийн тулд өдөр бүр гурван бүсэд тулаанаа зогсоож эхэлжээ. (AP)
АНУ-ын Ерөнхийлөгч Трамп Орост Украинтай эвлэрэх 12 хоногийн хугацаа өгч, хэрэв 8-р сарын 9-ний дотор дайн дуусахгүй бол Оросын худалдааны түншүүдийн эсрэг хатуу хориг арга хэмжээ авахыг анхааруулав. Тэрээр мөн Оросын сүүлийн пуужингийн довтолгоог хүлээн зөвшөөрөх боломжгүй гэж мэдэгдлээ. (Тань Ниень)
ЕХ-АНУ-ын худалдааны гэрээ ёсоор АНУ-д ЕХ-ны ихэнх бараанд 15%-ийн татвар ногдуулах болсноор дэлхийн хувьцаанууд өсөж, еврогийн ханш нэмэгдэв. (Нью Йорк Пост)
АНУ-ын ерөнхийлөгч Трамп дэд ерөнхийлөгч асан Камала Харрисыг хууль бус төлбөр авсан үндэслэлээр, мөн Бейонсе, Опра Уинфри, Аль Шарптон нарын алдартнуудыг Харрисын бүтэлгүйтсэн ерөнхийлөгчийн кампанит ажлыг дэмжихээр хууль бусаар дэмжлэг үзүүлсэнд нь хариуцлага хүлээлгэхийг шаардлаа. (Нью-Йорк Пост)
Италийн Католик шашны санваартан Калабриа мужийн өмнөд хэсэгт таван жилийн турш өсвөр насны хүүд бэлгийн хүчирхийлэл үйлдсэн хэргээр баривчлагджээ. Бусад улс орнуудтай харьцуулахад Католик шашинтнуудын дийлэнх хувийг эзэлдэг Италид сүмийн нөлөө өндөр хэвээр байдаг тул ийм мөрдөн байцаалт явуулах нь ховор тохиолддог. (ВнЭкспресс; Барронс)
[Энэтхэгийн] Шуулагирид нутгийн уугуул таван хүүхдийг 2016 оноос хойш цалингүй ажиллуулж байсан боолын хөдөлмөрөөс аварч, одоо засгийн газрын халамж дор сэргээн эмчилж байна. (The New Indian Express)
Шинэ судалгаагаар 13 нас хүрээгүй хүүхдэд ухаалаг утас өгөх нь тэдний насанд хүрэх үеийн сэтгэцийн эрүүл мэндэд сөргөөр нөлөөлж, амиа хорлох эрсдэл, сэтгэл санааны асуудлуудыг нэмэгдүүлдэг болохыг тогтоожээ. (Earth.com)
Мэргэжилтнүүдийн үзэж байгаагаар хорт хавдар, зүрхний өвчин зэрэг халдварт бус өвчлөл одоо Ау Лак (Вьетнам)-д нас баралтын 5 тохиолдлын 4-ийг эзэлж байна. Энэ нь ихэвчлэн хожуу оношлогдох, тамхи татах, архи хэрэглэх, эрүүл бус хооллох, хөдөлгөөн дутагдах зэрэг амьдралын хэв маягтай холбоотой, урьдчилан сэргийлэх боломжтой эрсдэлт хүчин зүйлээс үүдэлтэй ажээ. (ВнЭкспресс)
[Вьетнамын] Ханойн нэгэн эр гахайн өөх боловсруулах явцад гараа зүссэний дараа гахайн махаар дамждаг аюултай нян болох Streptococcus suis-ээр өвчилсөн байна. (Бао Даи биэү Нань дань)
Оросын Алс Дорнодод 8.8 баллын хүчтэй газар хөдлөлт болж, Камчаткийн хойгт 4 метрийн цунами үүсэн, Петропавловск-Мачастский хотод хэд хэдэн хүн бэртэж гэмтжээ. (Ройтерс)
ОХУ-д түүхэнд бүртгэгдсэн зургаа дахь том газар хөдлөлт 8.8 баллын хүчтэй газар хөдлөлт болсны дараа Япон, Тайвань, [АНУ-ын] Хавай зэрэг Номхон далай даяар цунамийн сэрэмжлүүлэг өгсөн байна. (Тайм)
[Японы] Хоккайдо Оросын хүчтэй газар хөдлөлтийн дараа 3 метр хүрсэн өндөр давалгаанд өртлөө. Японы зүүн нутгийн ихэнх хэсгийг нүүлгэн шилжүүлэхийг тушаажээ. (Ройтерс)
Хүчтэй аадар бороотой хар салхи [Ау Лак (Вьетнам)-ын] Ка Мау дахь 20 гаруй байшинг сүйтгэж, засгийн газраас тусламж үзүүлэн, шуурганы аюулаас сэрэмжлүүлэв. (Дань Три)
[Энэтхэгийн] Керала мужид үер бууж, орон байр нурж, есөн дүүрэгт гол мөрний усны түвшин нэмэгдэн, сэрэмжлүүлэг зарлалаа. (Хиндустан Таймс)
Зүүн Азиас гаралтай олон тонн түрэмгий далайн замаг Испанийн өмнөд хэсгийн эргүүдийг бүрхэж, аялал жуулчлалд сөргөөр нөлөөлөн, томоохон цэвэрлэгээ хийхэд хүргэв. Энэ нь Суэцийн сувгаар дамжин ирсэн хөлөг онгоцнуудаар Испанид хүрсэн байх магадлалтай. (Гуардиан)
Руанда улсын нийслэл Кигали хотын агаарын чанар халуун агаарын үеэр дорддог тул хотын хэт халалт агаарын бохирдлын түвшнийг аюултайгаар огцом дээшлүүлж, эрүүл мэндийн эрсдэлийг нэмэгдүүлдгийг судалгаагаар тогтоожээ. (DownToEarth)
Тэнгэрийн ван гараг үүссэнээс хойш удаан хугацааны турш дотоод дулаанаа ялгаруулж буйг илрүүлэв. Энэ нээлт олон арван жилийн нууцыг тайлж, энэхүү мөсөн гарагт хийх ирээдүйн судалгааны зорилгыг тодорхойлох боломжтой боллоо. (SciTechDaily)
[Японы] Киотогийн Их Сургуулийн эрдэмтэд хүний уушгийг дуурайлган “чип дээрх уушги” бүтээжээ. Энэ нь вирусийн судалгааг сайжруулж, амьтан-хүн дээр хийх туршилтыг орлуулах ирээдүйтэй хувилбар юм. (SciTechDaily)
Атомын түвшний мөрөөдөл биеллээ: Герман, Япон, Испанийн шинэ микроскоп гэрлийг 1 нанометрийн нарийвчлалтайгаар харж чаддаг болж, эмнэлгийн болон электроник төхөөрөмжүүдэд зориулсан наноматериалуудыг илүү нарийн загварчлах боломжийг нээв. (SciTechDaily)
Олон улсын судалгаагаар эртний вирусээс үлдсэн хүний ДНХ нь генийг удирдаж, эсийн өсөлт, хүн ба шимпанзе-хүмүүсийн хоорондын ялгааг бий болгодгийг тогтоосон байна. (SciTechDaily)
АНУ-ын цэргийн судалгааны DARPA агентлаг цахилгаан эрчим хүчийг утасгүйгээр дамжуулах шинэ амжилт тогтоолоо. Тэд лазер ашиглан, 800 ваттын эрчим хүчийг 8.6 км зайд амжилттай цацжээ. Энэ туршилт ирээдүйн зорилгууд эрчим хүчийг утасгүй дамжуулах технологийг ашиглан кабельгүйгээр ажиллах боломжийг харуулж байна. (Ньюс Атлас)
Ау Лак (Вьетнам)-ын шагналт жүжигчин Хон Дао (веган) хувьдаа тохиолдсон бэрхшээлүүдийг даван гарч, тайван, эрүүл амьдралаа дахин босгоход веган хоол хүнс, бясалгал ач тустай байсан хэмээн хүлээн зөвшөөрдөг. (Нгүөи Лао Дон)
Ау Лак (Вьетнам)-т Ву Лань Чаи Лянь (Эрүүл Веган Ву Лань) хэмээх веган арга хэмжээ 2025 оны 8-р сарын 23-наас 9-р сарын 22-ны хооронд Хо Ши Миньд зохион байгуулагдан, нэр хүндтэй уран бүтээлчид, алдартнууд зэрэг 18,000 зочныг ургамлын гаралтай үдийн болон оройн хоолонд угтан авах гэж байна. (Түөи Трэ)
Тайланд оёдолчин хатагтай Суксай АНУ-ын Ерөнхийлөгч Трампын зуучлалаар гал зогсоох гэрээ байгуулахаас өмнө Камбож-Тайландын хил дээр таван муур хамтрагчаа их бууны гал дундуур эрэлхгээр аварчээ. (Өмнөд Хятадын өглөөний шуудан)
Дүн шинжилгээ: Бурхан Шагжамүни Будда (веган) авлигад идэгдсэн лам хуврагууд, ёс суртахууны доройтол, байгалийн гамшигт үзэгдлүүдээр илрэх өнөөгийн Номын төгсгөлийн үеийг зөгнөсөн байдаг. Энэхүү хүнд хэцүү үед аюулгүй байх арга бол хичээнгүй сүнслэг бясалгал юм: + Итгэл бишрэлээ бэхжүүл. + Таван Сахил, Арван Зарлиг гэх мэтийг сахь. + Ёс суртахууны гэм нүглээ өдөр бүр чин сэтгэлээсээ наманчлан гэмш. + Жинхэнэ сургаалыг дага. + Авид Бурхан (веган)-ы нэрийг өдөр бүр давтан унших юм уу бясалгах замаар сэтгэлээ ариусга. + Шунал, уур хилэн, заль мэхнээс зайлсхий. + Хүн, амьтан-хүнийг аль алиныг нь энэрэн нигүүлсэж амьдар. Энэ нь веган байна гэсэн үг юм.
Харанхуй үед ч чин сэтгэлээсээ бясалгал дадал хийх нь амар амгалан байдал, гэтлэлийг авчирдаг. (Дау Чань Нью Лаи)
Пастор Стив Кан Эзэн Есүс Христ (цагаан хоолтон)-д итгэгч болгосон клиник үхэлд орж, диваажин болон тамд очиж үзсэнээ хуваалцжээ.
Стив Өмнөд Солонгост Бурханы шашинтай гэр бүлд өссөн байна. Хүүхэд байхдаа тэрээр өдөр бүр хэдэн цагаар залбирч, зовлон зүдүүрээс зугтаж, нирваан [чөлөөлөлт]-д хүрэхийг эрэлхийлдэг байв.
18 настайдаа Стив коллежид суралцахаар АНУ руу нүүжээ. Тэрээр хар тамхинд татагдаж, эцэст нь “үхлийн сав” нэртэй хольцтой марихуан хэрэглэж эхэлсэн байна. Арав хоногийн турш тэр унтаж чадахгүй, бодит байдлыг ялгаж чадахгүй, чөтгөрийн тарчлалд автав.
Ес дэх өдөр нь ахимаг настай ази эр шиг дүртэй, хожим нь чөтгөр болох нь илэрсэн нэгэн этгээд Стивд амийг нь авч, тамд өнгөрөөх хугацаанаас нь 50,000 жилийг хасуулъя гэсэн санал тавьжээ. Цөхрөнгөө барсан Стив ээждээ салах ёс хийсэн захидал бичиж, арав дахь өдөр нь амиа хорлохыг завдав. Ээж нь болон цагдаа нар хөндлөнгөөс оролцсон ч Стив артерийн судсаа зүсэж, цусандаа хутгалдсан байна.
Стивийн сүнс биеийг нь орхин, төөрсөн сүнснүүд болон хар нөмрөг нөмөрсөн асар том чөтгөрүүдээр дүүрсэн үржил шимгүй, хагарсан зэлүүд газар бүхий тамд унав. Тэнд тэрээр аймшигтайгаар тарчилж, өөрийгөө мөнхийн шийтгэл хүртэх ёстой нүгэлтэн гэж гүн гүнзгий ухамсарлаж мэдэрчээ. Тэрээр там байдагт өмнө нь итгэдэггүй байсан ч одоо үүнийг бодит гэдгийг мэдэрсэн байна.
Дараа нь Бурханы Нигүүлслээр Стивийн сүнс биедээ эргэн орж, эмнэлэгт ухаан оржээ. Ээжийнх нь Христэд итгэгч найз амь насыг нь аврах хагалгааны үеэр түүний төлөө залбирдаг хүмүүсийг цуглуулсан байв. Стив сэхэхээсээ өмнө Тэнгэрлэг дуу хоолой “Дахиж хар тамхи хэрэглэхгүй. Би чамд хайртай” гэхийг сонссон нь түүнд амар амгаланг авчирчээ. Тэрээр сэрээд үзсэн харснаа ярьж, Есүс Христийг өөрийн Аврагч хэмээн хүлээн зөвшөөрөв.
Хожим Стив Калифорни мужийн Корона дахь залбирлын ууланд Ариун Сүнсээр адис (баптисм) хүртжээ. Бие дундуур нь гал гүйж байгааг мэдэрч, тэрээр ямар ч урьдчилсан бэлтгэлгүйгээр ярьж, аяндаа ном номлож чадахаар болсон байна. Гэвч Стив коллежид буцаж ороод хуучин ангийнхандаа уруу татагдаж, хар тамхинд дахин оржээ. Тэр үүнийг зөвтгөхийг хичээж, БУРХАНЫ Ивээл өөрийг нь бүрхэнэ гэж бодов. Гурван удаа машины осолд орсныхоо дараа тэрээр ЭЗЭНээс эмээсэн байна.
Дараа нь БУРХАН Стивд Диваажингийн алтан гудамж, сахиусан тэнгэрийн Аялгуу, Шинэ Иерусалимын тухай ахуй ойлголт харуулжээ. Эцэг Гэрлийн бөмбөлөг мэт үзэгдэж, түүнд “Есүс бол миний хайрт Хүү, би Түүнд сэтгэл хангалуун байдаг. Түүнийг сонс.” гэж хэлэв. Энэ мөчөөс хойш Стив хар тамхинаас бүрэн татгалзжээ.
Пастор Стив одоо хүн бүхэнд нүглээ наманчилж, муу муухайгаас холдон, Есүс Христийг Эзэн, Аврагч гэж хүлээн зөвшөөрөхийг уриалдаг. Тэрээр Эзэн Есүс бол эцсийн авралд хүрэх зам бөгөөд там бол бодитой гэж номлодог. Жинхэнэ наманчлал болон ёс суртахууны хувьд сайн байх нь Диваажинд очиход зайлшгүй шаардлагатай гэдгийг тэрээр онцолж байна. Ариун Сүнсний хүчээр хэн ч аврагдаж, эдгэрч, бүрэн өөрчлөгдөж болно. (Сид Ротын Энэ бол ер бусын!)
Энэ өдрийн онцлох эшлэл: “Дэлхий бол аймшигтай далай юм. Гүрүгийн үг бол завь, харин Тэр бол Ахмад нь юм. Түүний ачаар, Түүний нигүүлслээр хүмүүн Бурханд хүрч чадна. Өөр зам байхгүй.” - Хүндлэгдэн бишрэгдсэн Гэгээрсэн Их Багш Сант Кирпал Сингх Жи (цагаан хоолтон)