ӨДӨР ТУТМЫН МЭДЭЭ-ний гол тойм – 2025 оны 10-р сарын 2

Европын холбоо зүүн хойд Европыг нисгэгчгүй онгоцны халдлагаас хамгаалахаар зүүн жигүүрийнхээ дагуу “дроноос хамгаалах хана” барьж эхэлжээ. Уг санаачилга нь төлөвлөсөн хуурай газрын хана, далайн хэрмийн хамтаар "Зүүн жигүүрийн эргүүл" хөтөлбөрийн гурван тулгуурын нэг болж байна. (VTV)

Өмнөд Солонгосын ерөнхийлөгч Ли Жэ Мён АНУ-ын Ерөнхийлөгч Трампаас Хойд, Өмнөд Солонгосын хооронд “энхийг сахиулагч” болохыг хүсжээ. Ерөнхийлөгч Трамп хүсэлтийг хүлээн авч, 2025 оны 10-р сард АПЕК (Ази, Номхон далайн эдийн засгийн хамтын ажиллагаа) форумд оролцохоор Өмнөд Солонгос улсад айлчлах төлөвтэй байна. (Нью-Йорк Пост)

Унгарын Гадаад хэргийн сайд Сийярто АНУ-тай тогтоосон харилцааныхаа "алтан үе"-ийг тэмдэглэж, Ерөнхийлөгч Трампыг НАТО-гийн батлан хамгаалахын зардлыг нэмэгдүүлснийг үнэлж, Түүнийг АНУ-Оросын хэлэлцээрээр дамжуулан Украин (Урейн)-д энх тайван тогтоох цорын ганц найдвар гэж нэрлэжээ. (Фокс Ньюс)

Ау Лак (Вьетнам), Лаос улсууд STEM [Шинжлэх ухаан, технологи, инженерчлэл, математик]- Робот техникийн боловсролын чиглэлээр хамтын ажиллагаагаа бэхжүүлж, оюутны шинжлэх ухаан, робот техникийн тэмцээн зохион байгуулахаар төлөвлөж байна. (Вьетнам-Плас)

АНУ-ын Ерөнхийлөгч Трамп [Орегоны] Портлэнд дахь ICE [Цагааны гааль, хууль сахиулах] төвүүдийг "бүрэн хүч"-ээр хамгаалахыг зөвшөөрч, орон нутгийн захиргааны байгууламжуудад хууль бус буудлага, эсэргүүцлийн ажиллагаа явуулсны дараа АНУ-ын цэргийг байршуулж байна. (Скай Ньюс)

АНУ-ын Ерөнхийлөгч Трамп худалдааны тодорхойгүй байдал, эдийн засгийн дарамттай тулгарч буй фермерүүдэд бэлэн мөнгөний тусламж үзүүлэхийн тулд татварын орлогыг ашиглахаар төлөвлөж байна. (Политико)

Ерөнхийлөгч Трамп 2021 оны 1-р сарын 6-ны өдөр Капитолын жагсаалын үеэр олны дунд ХМТ [Холбооны мөрдөх товчоо]-ны 274 нууц ажилтан байсныг баталсан тайлангийн дараа ихэд уурсаж, өмнөх тайланд тус агентлагийн ажилтнууд тэнд байсныг үгүйсгэснийг сануулан, ХМТ-ны дарга асан Кристофер Врейгээс тайлбар хийхийг шаарджээ. (Нью-Йорк Пост)

АНУ-ын Дотоодын аюулгүй байдлын яам [DHS] нь олон нийтийн сүлжээнд MSNBC, CNN мэдээллийн сүлжээнээс даван гарчээ. 7-р сард засгийн газрын агентлагийн Фэйсбүүк, Инстаграм, Икс дээрх хуудаснуудад өдөр бүр илүү олон сая сэтгэгдэл хүлээн авчээ. (Фокс Ньюс)

Нигери: Замфара мужид алтны уурхай нурсны дараа бичил уурхайн олборлогч 100 гаруй хүн амиа алдсан гэсэн айдас төрүүлж байна. Энэ нь Нигерийн түүхэн дэх хамгийн олон хүний ​​аминд хүрсэн уул уурхайн гамшгийн нэг болсон нь тус бүс нутагт хууль бус алт олборлолт газар авч, аюулгүй байдал хангагдаагүй, хууль сахиулах ажил сул байгааг тодруулж байна. (VTV)

Эмч нарын үзэж буйгаар Японы уламжлалт исгэсэн шар буурцгийн амтлагч тамари нь зөвхөн амттай байхаас гадна олон ач тустай: Энэ нь эрүүл хоол боловсруулах ажиллагааг дэмжиж, гэдэсний бичил биетийг тэнцвэртэй байлгадаг пробиотикуудаар хангадаг. Тамари нь үрэвслийг намдааж, дархлааны үйл ажиллагааг дэмжихэд тусалдаг ургамлын гаралтай хамгаалах үл исэлдүүлэгч агуулдаг. Ургамлаар эрүүл мэндээ дэмжихээр хүнсний ногоо, үр тариа, шөл зэргийг амтлахын тулд натри багатай төрлүүдийг сонгоорой. (ЧАНЬ ТЬЕН МЫ БАК НЬЕНЬ)

Эмч нар маалингын үрийг тэжээллэг веган хоолонд оруулан идэхэд бөөрний эрүүл мэндийг сайжруулдаг гэж үздэг. ALA омега-3-аар баялаг маалингын үр нь бөөрний үрэвслийг бууруулдаг. Мөн хоол боловсруулахад туслах эслэгээр хангаж, цусан дахь сахрын хэмжээг тогтворжуулдаг. Эрүүл мэндийн тэжээллэг дэмжигч болгон, өдөрт нэг цайны халбага маалингын үрийг нунтаглаад, хоолондоо, эсвэл смүүтитэй хольж хэрэглээрэй. (Мео Сон Хоэ Вэ Зиа)

[Их Британийн] Лестерийн Их Сургуулийн эрдэмтэд жимсээр баялаг хоолыг, ялангуяа өдөрт 4 ба түүнээс дээш порцыг хэрэглэх нь уушгийг агаарын бохирдлоос хамгаалахад тусалдгийг тогтоожээ. Жимсэнд агуулагддаг үл исэлдүүлэгч, ургамлын гаралтай хамгаалагч нэгдлүүд нь нарийн ширхэгтэй бохирдуулагчийн үүсгэдэг исэлдэлтийн стрессийг бууруулахад тусалдаг гэж үздэг. (ВежНьюс)

Дэлхийн Эрүүл Мэндийн Байгууллага (ДЭМБ) Ау Лак (Вьетнам)-ын тамхины татварын шинэчлэлийг сайшааж, 2031 он гэхэд энэ нь 2.1 сая хүнд тамхинаас гарах юм уу зайлсхийхэд тусална гэж таамаглаж байна. (baotintuc.vn)

[Ау Лак (Вьетнам)-ын] Куангнгай аймаг: Ууланд 200 метр хагарал үүсэж, хөрсний гулгалтын эрсдэл нэмэгдсэний улмаас 54 оршин суугчийг нүүлгэн шилжүүлжээ. (ВнЭкспресс)

Ау Лак (Вьетнам): Буалой хар салхи газар нутгийг дайран өнгөрөхөд бороо орж, үерлэсний улмаас дор хаяж 12 хүн амиа алдаж, хэдэн арван мянган хүнийг нүүлгэн шилжүүлж, далайн эргийн нисэх онгоцны буудлууд хаагджээ. (Ройтерс; Анадолу Ажанси)

Эрдэмтэд онолын хязгаараас 2.4 дахин хурдан өсөж буй эртний асар том хар нүхийг нээсэн нь орчлон ертөнц хэрхэн үүссэн тухай шинжлэх ухааны ойлголтыг эргэн харахад хүргэж байна. (Шинжлэх ухааны сэрэмжлүүлэг)

Хариуцлагатай анагаах ухааны эмч нарын хороо [АНУ-ын Иллинойс мужийн] Пеориа хотод "Хөхний хорт хавдрын эсрэг тэмцэцгээе" жагсаалыг дахин зохион байгууллаа. Үүнд тэд Америкийн Анагаах Ухааны Нийгэмлэгээс баталсан хорт хавдраас урьдчилан сэргийлэх дөрвөн үндсэн алхмыг онцлохыг зорьжээ. Эдгээрт: эрүүл веган хооллолт, архины хэрэглээг хязгаарлах, эрүүл жингээ барих, тогтмол дасгал хөдөлгөөн хийх алхмууд багтаж байна. (CIProud.com)

[Хятадын Фүжянь мужийн] Цюаньжоу хот: Эзгүй худагт санамсаргүй унаж, 54 цагийн турш ус, могойн дунд боогдсон 48 настай залуухан эмэгтэйг Блю Скай Руйтон Жинжян аврах багийнхан аварч, эмнэлгийн тусламж үзүүлжээ. (Өмнөд Хятадын өглөөний шуудан)

54 настай залуухан хятад жуулчин ноён Ян [Японы] Жогасаки далайн эрэгт эгц хадаар доош буун, живж буй япон эмэгтэйг аварчээ. (ВнЭкспресс)

[АНУ-ын Алабама мужийн] Талладега тойргийн Шерифийн орлогч Эмма Робинсон болон Силакауга асрах газар эвдэрч, орхигдсон машинд гацсан муурын зулзагыг аварчээ. (ABC 33/40)

[Өмнөд Африкийн] Дурбан хотын Зэрлэг амьтдыг нөхөн сэргээх төв (CROW) Кейптаунаас Дурбан руу явсан хөлөг онгоцон дээр нуугдаж байсан бага насны хоёр бабуун-хүнийг аварчээ. Тэднийг эмчилж асрахаар тусгай төвд онгоцоор хүргэж, улмаар зэрлэг байгальд буцаан тавина. (Советан Шууд мэдээ)

[АНУ-ын Техас мужийн] Ричардсон хотын оршин суугчид хаягдсан загасны утсанд баригдсан залуу ногоон дэглий шувуу-хүнийг аварчээ. Түүнийг далавчных нь гэмтлийг эмчлэхээр зэрлэг амьтдын төвд аваачсан бөгөөд энэ нь загас агнуурын хэрэгслийн аюулыг тодотгож байна. (Күүл Даун)

[АНУ-ын Мэн мужийн] Пемброк хотын зэрлэг амьтдын газрын албан хаагчид таван цаг үргэлжилсэн ажиллагаагаар эзгүй хаягдсан худгаас эрэгчин хандгай-хүнийг аварчээ. (KSLTV)

Ау Лак (Вьетнам)-ын оршин суугч Нгуень Тьень Куан нэн ховордсон Сунда панголин-хүнийг хууль бусаар худалдаж байсан бүлэг залуусаас худалдан авч, нөхөн сэргээх, асрах зорилгоор орон нутгийн цагдаад хүлээлгэн өгчээ. (Лао Дон)

[Ау Лак (Вьетнам)-ын] Дьенбьен аймаг: Албаныхан моторт дугуйн дээр хууль бусаар тээвэрлэж явсан 170 орчим зэрлэг амьтан-хүнийг олж, аварчээ. (VTV)

Америкийн зөн билгийн дамжуулагч Шарон Кумара клиник үхэлд орох үедээ өөр гарагаас ирсэн гэр бүлийнхэнтэйгээ уулзсан тухайгаа хуваалцаж байна.

Шарон есөн настайдаа анх удаа клиник үхэлд оржээ. Тэрээр Өвөө, эмээтэйгээ хамт амьдарч байхдаа хашаандаа тоглож байхад нь түүнийг хүчирхийлж байсан холын хамаатан нь түүн рүү дайрчээ. Тэр эр түүний хавирганы доор цохиход Шарон хүчтэй өвдөлт мэдэрч, даруй биеэ орхижээ. Харанхуй хэрнээ тайтгаруулсан хоосон орон зайд хөвж байхдаа тэрээр өөрийгөө өнгөрсөн, одоо, ирээдүйн бүх зүйлийн нэг хэсэг гэдгээ ойлгож, гүн амар амгалан, дэмжлэгийг мэдэрчээ. Цаг хугацаа тодорхойгүй байсан ба энэ нь нэг минут, эсвэл нэг жил ч байж мэдэхээр байв.

Их Эзэн Есүс (цагаан хоолтон) гарч ирэхэд Шарон бат бөх газар дээр байгаагаа мэдэв. Тэр түүний хажууд өвдөглөн суугаад: “Үр минь, чи хангалттай зовжээ. Чи буцах шаардлагагүй. Надтай хамт ирж болно.” гэв. Шарон хэдий залуу байсан ч дэлхий дээр гүйцээх ёстой зорилгоо мэдэж байв. Тэр телепатаар холбогдон: "Би хийх ёстой зүйлээ дуусгаагүй байна" гээд, "дахиад эхлэх”-ийг хүсэхгүй байгаагаа илэрхийлэв. Их Эзэн Есүс: “Чи итгэлтэй байна уу?” гэж асуулаа. Тэр бататгахад, даруй биедээ буцаж иржээ. Түүний дараа юу болсныг санахгүй байгаа ч хүчирхийлэл зогсож, хамаатан нь зочлохоо больжээ.

2001 онд Шарон [АНУ-ын] Техас мужид амьдарч байлаа. Аяллын үеэр тэр чиргүүлтэй жижиг автобусанд суужээ. Арын хаалганы дэргэд зогсож байхад хаалга гэнэт онгойж, тэр унан, халуун асфальт дээр ойж, чиргүүлийн дугуй ойртож байгааг харав. Тэр бодолдоо: "Зогс, чи намайг алж байна шүү дээ!" гэж хашхирлаа. Дугуй түүний толгой дээгүүр дайрч, тэр дахин биеэ орхижээ.

Дээр хөвж явсан Шарон өөрийнх нь бие зам дээр хэвтэж, автобус урагшилж, машинууд ойртож байгааг ажиглав. Тэр өвдөхгүй байж, амар амгаланг мэдрэн, тэр дүр зургийг кино мэт үзсэн бөгөөд түүний үхэл найзынх нь өдрийг баллаж магадгүй байгааг илтгэж байв. Тэр найз залуу, эгч, ээжийнхээ тухай бодож, тэд гунигтай ч сайхан байх болно гэж дүгнэв.

Ээжийнхээ тухай бодох үед гурван жилийн өмнө нас барсан хойд эцэг нь өөрийнх нь ард байгааг мэдэрчээ. Тэр Шаронд телепатаар үлдэх боломжгүй гэж хэлээд, буцахыг яаруулав. Гэрлийн хаалга гарч ирэн, түүний эх, эцгийн өвөг дээдсийг харуулсан бөгөөд тэр заримыг нь эмээ өвөөгийнхөө адил амьдрал дээр таньдаг байсан ч бусад нь танил бус байв. Тэдний илэрхийлэл нь төвийг сахисан байсан бөгөөд энэ удаад тэд түүнийг угтан авсангүй.

Дараа нь нарны гэрэл мэт гялалзсан алтлаг цагаан хаалга нүдийг нь гэмтээлгүй нээгдэв. Их Эзэн Есүс гарч ирэхэд, Шарон Түүн рүү нисэн очиж, тэдний холбоо сэтгэлийг нь бүрэн эзэмдэв. Тэр Шаронд зорилго нь дуусаагүй тул буцаж ёстой гэж телепатаар мэдэгдэв. Клиник үхэлд орсон анхны тохиолдлоос нь ялгаатай нь Шарон үлдэхийг хүссэн бөгөөд Их Эзэн Есүсийн асар их Хайр, Энэрлийг мэдэрч, тэр Түүний энергитэй уусан нэгдэхийн зэрэгцээ Шарон хэвээр байгаагаа ухаарч байлаа. Бүх санаа зоволт Түүний оршихуйд замхарчээ.

Эзэн Есүс түүнд аялахыг санал болгов. Түүний гараас атган, тэд сансар огторгуйгаар явахад одод жирэлзэн өнгөрч байлаа. Тэд усан гарагийн дээгүүр түр саатахад, Шарон үүний өөрийнх нь өөр давтамжид усны төрөлтөн болон оршиж байсан газар гэдгийг ухаарчээ. Тэрээр асар их хайр нь тэрхүү гараг гэдгийг мэдэрч, түүний бүх төрөлтнийг мэдэж байв. Тэгээд дараа нь тэр усны төрөлтөн гэр бүлдээ анхаарлаа хандуулж, тэдэнтэй хамт ариусгаж, анагаагч усанд сэлж байлаа. Тэрээр эцэг эх, хань ижил, хүүхдүүдтэйгээ тэнд эргэн нийлсэн нь дэлхий дээрх амьдралын сорилт бэрхшээлүүдээ даван туулсны дараах бэлэг мэт санагджээ.

Эцэст нь Шарон дэлхий дээрх биедээ буцаж ирээд, үсрэн босож, замын хажуу руу гүйв. Найзууд нь түүнд тусалж байсан бөгөөд булчин, мэдрэл, шөрмөс нь гэмтэж, замын үрэлт үүсэж, толгой дээр нь дугуйны ул мөр үлдэж, үс нь түр зуур унасан ч яс хугараагүй, тархи нь доргиогүй байв. Түүнийг нөхөн сэргээх шаардлагатай байсан ч бие нь хамгаалагдсан байна.

Дараа нь Шарон өөрт тохиолдсон явдлаа боловсруулахын тулд өөрийнхөө нэрлэснээр Ешуа хэмээх Их Эзэн Есүстэй нягт хамтран ажиллажээ. Тэр Түүнээс олон зүйлийг, юуны түрүүнд, Бурхан бол хайр, хүмүүс Бурхантай нэг бөгөөд дэлхий дээрх бидний зорилго бол тэр үнэнийг санаж, амьдрах явдал болохыг сурчээ. (Амьдралын өөр тал КҮТ)

Өдрийн дэвшүүлэх эшлэл: "Та сая сая арга, хэрэгслийг туршиж үзэж болох ч оюун ухаан хэзээ ч захирагддаггүй. Үүнийг зөвхөн [дотоод Диваажингийн] Аялгууны Урсгалын бясалгалаар л номхруулж чадна.” - Хүндэт Гэгээрсэн Их Багш Баба Саван Сингх Жи Махараж (цагаан хоолтон)