ӨДӨР ТУТМЫН МЭДЭЭ-ний гол тойм – 2025 оны 10-р сарын 26

АНУ-ын Ерөнхийлөгч Трампын олон улсын шашны эрх чөлөөний төлөөх элчин сайдаар нэр дэвшсэн Марк Уолкер Израилд айлчилж, Газа дахь энх тайвны түүхэн хүчин чармайлтыг дэмжин, Египет дэх Копт Христэд итгэгчид, Сири дэх друзууд зэрэг шашин шүтлэгээсээ болж хавчигдаж буй хүмүүсийг хамгаалахад тусалж байна. (Нью-Йорк Пост)

Ерөнхийлөгч Трамп ойрын хугацаанд Оросын Путинтэй [Унгарын] Будапешт хотод уулзах бодолгүй байгаагаа мэдэгдлээ. (Фокс Ньюс)

Ерөнхийлөгч Трамп Путинтэй Будапештэд хийхээр төлөвлөж байсан уулзалтыг тодорхойгүй хугацаагаар хойшлуулна гэж хэлснээс хойш нэг өдрийн дараа АНУ Украины энхийн хэлэлцээрт оруулахын тулд Москвад шахалт үзүүлэх гэж ОХУ-ын хоёр том нефтийн компанид шинэ хориг арга хэмжээ авахаа зарлав. Ерөнхийлөгч тэвчээр алдаж буйгаа илэрхийлж, “Би Владимиртэй [утсаар] ярих болгонд ярилцлага маань сайхан болдог. Гэхдээ тэд үр дүн гаргадаггүй.” гэжээ. (BBC)

Европын холбоо эрчим хүчний хараат байдлаас гарахын тулд 2027 оны эцэс гэхэд Оросын байгалийн хийг импортлохоо зогсоохыг зөвшөөрөв. (Le Monde.fr)

Кувейт улс Туркийн Кузу компанитай 488 сая ам.долларын бохир ус цэвэрлэх гэрээнд гарын үсэг зурж, Кувейтийн хойд хэсэгт орших Өмнөд Аль-Мутлаа хотод өдөр бүр 400,000 шоо метр цэвэршүүлсэн ус үйлдвэрлэх үйлдвэр барихаар болжээ. (Ройтерс)

АНУ-ын ерөнхийлөгч Трампын засаг захиргаа 2,5 сая гаруй оюутны зээлийг тэглэхийг зөвшөөрч, 2028 оны долоодугаар сар хүртэл шаардлага хангасан оюутнуудын зээлийн өрийг тэглэхээр Америкийн Багш нарын Холбоотой тохиролцоонд хүрсэн байна. (Нью-Йорк Пост)

АНУ-ын шүүх Ерөнхийлөгч Трампад гэмт хэрэгтэй тэмцэх зорилгоор [Орегон мужийн] Портлэндэд Үндэсний гвардийн цэргийг байршуулахыг зөвшөөрсөн нь хууль, эрх зүйн томоохон ялалт боллоо. Энэхүү шийдвэр нь хууль, дэг журмыг сахиулахад байнгын хүчин хангалтгүй үед АНУ-ын ерөнхийлөгчид Үндэсний гвардийг холбооны хяналтад оруулах эрх олгодог холбооны хуульд үндэслэсэн юм. (Нью-Йорк Пост)

Луизиана Мужийн Их Сургуулийн Тайгерс багийн бейсболын ахлах дасгалжуулагч Жэй Жонсон Цагаан ордонд болсон аварга шалгаруулах тэмцээний үеэр АНУ-ын Ерөнхийлөгч Трампыг магтаж, “Америкийн төлөө Танаас илүү зүтгэх хүн байхгүй.” гэж хэллээ. (Фокс Ньюс)

АНУ-ын ерөнхийлөгч Трампын засаг захиргаа 3 тэрбум гаруй ам.долларын тусламжийг Америкийн тариаланчдад хуваарилж, Ардчилсан нам холбооны засгийн газрын үйл ажиллагааг зогсоож байгаа энэ үед АНУ-ын Хөдөө Аж Ахуйн Яамны үндсэн үйл ажиллагааг дахин нээхээр төлөвлөж байна. (Ройтерс)

АНУ-ын Ерөнхийлөгч Трамп конгресс дахь Ардчилсан намын удирдагч нар засгийн газрын санхүүг хааснаа зогсоохгүй бол тэдэнтэй уулзахгүй гэж сэтгүүлчдэд мэдэгдэв. (Ройтерс)

Дүн шинжилгээ: Ардчилсан намын өндөр албан тушаалтнууд засгийн газрын санхүүжилтийг хааснаараа америкчуудын зовлонг “улс төрийн давуу тал” болгон ашиглаж буйгаа өөрсдийн үгээр илчиллээ. Тус хаалт нь сая гаруй холбооны ажилтныг цалингүй болгож, нисэх буудлуудын нислэгийг хойшлуулж, тусламжийн хөтөлбөрүүдийг зогсоогоод байгаа юм. Тэдний хэлсэн зарим гол үгээс: - Сенат дахь Ардчилсан намын удирдагч Чак Шумер: “Өдөр бүр бидний хувьд илүү сайн болж байна. - Төлөөлөгч [Ардчилсан намын] Кэтрин Кларк: “Зовох айл өрхүүд байх болно ... Гэхдээ энэ бол бидэнд байгаа цөөн хэдэн хөшүүргийн нэг юм.” - Сенатор [Ардчилсан намын] Берни Сандерс: “[Хэрэв] засгийн газраа дахин нээж, бид хөшүүргээ алдах юм бол...” - Сенатор [Ардчилсан намын] Мартин Хайнрих: “Хэрэв бид цэрэг, нисэх буудлын ажилтнууд, хууль сахиулагчдыг цалинжуулахыг дэмжин санал өгвөл энэ нь Ерөнхийлөгчид илүү их хөшүүрэг болно.” - Ардчилсан намын нэрээ нууцалсан сенатор: Засгийн газрыг дахин нээх тухай Конгрессын танхимаас баталсан хуулийн төсөлд дэмжсэн санал өгвөл “ард түмэн алх болно.” - Ардчилсан намын нэрээ нууцалсан сенатор: “Хүмүүс толгой тастах машин авахаас айгаагүй байсан сан бол бид хангалттай санал авах байсан.” - Ардчилсан намын ахлах туслах: “Тэнгэрээс онгоц унана” гэдэг асуудалд [Ардчилсан] нам бууж өгөхгүй.

Энэ бол Ардчилсан намын тоглоомын дэвтэр: Америкчуудыг зовлонг улс төрийн зэвсэг болгон ашиглах. Ерөнхийлөгч Трамп цэргүүдийг цалинжуулж, бага орлоготой эмэгтэйчүүд, хүүхдүүдэд хүнсний тусламж үзүүлэх гэж шийдэмгий арга хэмжээ авч байхад ардчилсан намынхан Түүнийг зогсоохын тулд чадах бүхнээ хийж байна. (WhiteHouse.gov)

Их Британи гар утасны хулгайгаар Европыг тэргүүлж, таван жилийн дотор ийм хэрэг дөрөв дахин нэмэгджээ. Дэлхийн хууль бус наймааны сүлжээгээр зохион байгуулалттай гэмт бүлэглэлүүд жил бүр 50 сая орчим фунт стерлингийн орлого олдог гэсэн тооцоо бий. Түгжээтэй биш утаснууд гэмт хэрэгтнүүдэд нууц мэдээллийг дахин борлуулах боломж олгодог гэдгийг цагдаа нар анхааруулж байна. Хятад болон Африкийн зарим орнууд ОУГУТТТ [Олон улсын гар утасны төхөөрөмжийн таних тэмдэг] хаах системийг ашигладаггүй тул хулгайлагдсан утаснууд тэнд ажиллах боломжтой хэвээр байна. Их Британийн цагдаа нар Apple, Samsung зэрэг технологийн компаниудад аюулгүй байдлыг сайжруулж, хулгайлагдсан төхөөрөмжийг идэвхгүй болгоход туслахыг уриалав. (VTV)

Мэргэжилтнүүдийн үзэж байгаагаар Меконг мөрний бэлчрийн алтан шар цэцэг bông điên điển-ийг веган шөл, салатанд хэрэглэдэг бөгөөд энэ нь шим тэжээлээр баялаг хүч юм. А, С, В витамин, кальци, төмөр, магни зэрэг эрдэс бодисоор баялаг агаад хоол боловсруулалтыг дэмжиж, гэдэс дүүрэхийг намдаан, дархлааг бэхжүүлнэ. Үүний антиоксидант чанар нь зүрхний эрүүл мэндийг сайжруулж, муу холестериныг бууруулан, арьсны уян хатан чанарыг нэмэгдүүлж, хөгшрөлтөөс сэргийлдэг. Цэцгийн шимийг хадгалахын тулд бага зэрэг буцалгах юм уу хурдан хууран, тэжээллэг веган хоолны нэг хэсэг болгон зооглоорой. (Thanh Niên)

Дэлхийн Эрүүл Мэндийн Байгууллага (ДЭМБ) жимс, хүнсний ногоогоор дутагдалтай хооллох нь дэлхийн хэмжээнд нас баралтын эхний 10 шалтгааны нэг болж байгаа агаад 2017 онд 3,9 сая хүн нас барсан гэж мэдэгдлээ. Судалгаанаас харахад жимс, хүнсний ногоо нь зүрх, тархи, эрхтний тогтолцоог хамгаалах олон чухал нэгдлүүдийг агуулдаг. Эдгээр ургамлын гаралтай нэгдлүүдийн дутагдал нь хоол боловсруулах эрхтний хорт хавдрын нас баралтын 14%, зүрхний ишемийн өвчлөлийн нас баралтын 11%, цус харвалтын нас баралтын 9% нь-ийг эзэлдэг. Мэргэжилтнүүд эрүүл мэндэд тустай жимс, хүнсний ногооны хэрэглээг хангахын тулд боловсруулалтад оруулаагүй веган хоол идэхийг зөвлөж байна. (Tuổi Trẻ)

Их Британийн Лондоны Империал коллежийн хоол тэжээлийн мэргэжилтэн Федерика Амати олон хүнсний бүтээгдэхүүн дээрх “өндөр уураг” гэсэн шошго нь эрүүл мэндийн баталгаа биш, харин маркетингийн шинж чанартай гэдгийг анхаарууллаа. Тэнцвэртэй хооллодог ихэнх хүмүүс нэмэлт тэжээл шаардлагагүйгээр хангалттай уураг авдаг гэж тэр хэлэв. Үнэндээ амьтан-хүний гаралтай уураг хэт их хэрэглэх нь хорт хавдар гэх мэт өвчнөөр өвчлөх эрсдэлтэй холбоотой байдаг бол ургамлын гаралтай веган уурагт ийм аюул ажиглагдаагүй байна. (Ургамлын гаралтай мэдээ)

Согтууруулах ундааны хэт их хэрэглээ нь тархинд үрэвсэл үүсгэж, хорт уураг үйлдвэрлэн, тархины мэдрэлийг эсийг гэмтээж, ой санамжийн чухал хэсгүүдийг сүйтгэдэг тул Альцгеймерийн өвчнийг хурдасгадаг болохыг судалгаагаар тогтоожээ. (News Medical)

Мэргэжилтнүүд зочид буудлуудад ханиад томуу тараах боломжтой 5 зүйлийг анхааруулж байна: 1) Алчуур 2) Орны цагаан хэрэглэл 3) Хаалганы бариул 4) Телевизийн удирдлага 5) Аяга Халдвараас урьдчилан сэргийлэхийн тулд жуулчид алчуур, дэрний уут зэрэг хувийн эд зүйлсээ авчрах, гараа савандаж угаах, амны хаалт зүүх, эрүүл ахуй, халдваргүйжүүлэлтийг хангасан зочид буудлуудыг сонгох хэрэгтэй. (VnExpress)

[Ау Лак (Вьетнам)-ын] Лан Сонь аймагт шумуулаар дамждаг денге хэмээх халуун хумхаа өвчний халдварын хэд хэдэн тохиолдол илэрч, нэг долоо хоногийн дотор 90 гаруй шинэ өвчтөн бүртгэгджээ. Үүний улмаас сургуулиуд цэвэрлэгээ, ариутгал хийж, эцэг эх, сурагчдад зориулсан сэрэмжлүүлэх сургалт зохион байгуулж байна. (Chính sách và cuộc sống)

[АНУ-ын] Аризона, Юта мужуудын хилийн дагуу улаанбурхан өвчний шинэ дэгдэлт гарч, 8-р сараас хойш 100 гаруй хүн халдвар аваад байна. 2025 онд тус улсад сүүлийн 34 жилийн хугацаан дахь улаанбурхан өвчин хамгийн их өвчлөл бүртгэгдэн, Нью Мексико, Оклахома, Техас мужуудад 880 гаруй өвчтөн бүртгэгджээ. (The New York Times)

[АНУ-ын] Вашингтон муж: ​​Блеветт гарцын орчим гарсан хээрийн түймэр ойролцоогоор 43,000 акр [17,400 га] талбайг шатаалаа. (IQAir)

Мексикийн таван мужид үерийн гамшиг болж, дор хаяж 76 хүн амиа алдаж, олон арван хүн сураггүй алга болсны дараа Япон улс Мексикт хүмүүнлэгийн тусламж илгээв. (Mexico News Daily)

[АНУ-ын Нью Мексико мужийн] Морагийн тосгонууд хээрийн түймрийн дараах үерт өртөж, орон сууц, дэд бүтэц сүйдэн, худаг ус бохирдсон тул олон жил нөхөн сэргээхэд хүндрэлтэй байгаа агаад орон нутгийн үерийн гамшгийг бууруулах хүчин чармайлт хангалттай зохицуулалт, санхүүжилтгүй байна. (Ройтерс)

Хүчтэй аадар борооны улмаас Тайвань (Формоас)-ийн хойд хэсэгт саад учирч, коллежийн хотхонууд үерт автан, зарим хичээлийг түр хугацаанд цахим хэлбэрт шилжүүлэх болжээ. (Focus Taiwan)

Их Британид Бенжамин шуурганд нэрвэгдэж, хүчтэй салхи шуурга, борооны улмаас хэд хэдэн газар үер болж, аялал жуулчлалын тасалдал үүсгэсэн байна. (The Independent)

Хондураст есдүгээр сарын сүүлчээс хойш үргэлжлэн орсон аадар борооны улмаас үер болж, хөрсний гулгалт үүсэн, дор хаяж 16 хүн амиа алдаж, 34,000 гаруй хүн хохирол амслаа. (The Watchers)

Австрали, Шинэ Зеланд: Хүчтэй халуун салхины улмаас ой хээрийн түймэр гарч, Сидней хотод 10-р сард хамгийн өндөр хэм бүртгэгдсэний улмаас бүх төрлийн гал асаахыг хориглосон нийтлэг хориг зарлагдав. (Ройтерс)

АНУ-д амьтан-хүний гаралтай махны хэрэглээ нь Итали улсын нийт нүүрстөрөгчийн ялгаруулалтаас ч илүү хэмжээний хүлэмжийн хий үүсгэдэг болохыг судалгаагаар тогтоожээ. АНУ-ын хотуудад амьтан-хүний махны хэрэглээ нь асар их хэмжээний нүүрстөрөгчийн ялгаруулалтыг бий болгодог агаад заримдаа бүхэл бүтэн өрхийн цахилгааны хэрэглээтэй тэнцдэг. Нэг өрхийн үхэр-хүний махны хэрэглээг хоёр дахин багасгах нь нарны зай хураагуур суурилуулахтай адил нүүрстөрөгчийг хэмнэж, веган хоолонд шилжих нь нүүрстөрөгчийн ялгаруулалт, газар, ус, нөөцийн нийт хэрэглээг эрс бууруулдаг. (VegNews)

[Их Британийн] Бристолын Их Сургуулийн эрдэмтэд шоргоолж-хүмүүс эмгэг төрүүлэгчид өртөх үед үүрнийхээ нүхийг өргөсгөж, хоорондын зайгаа нэмэгдүүлэх замаар өвчний дэгдэлтийг зогсоохын хамт үүрээ шинэчилж чаддаг болохыг олж мэдсэн нь хүн биш зүйл өвчний тархалтыг хянахын тулд амьдрах орчноо зориудаар өөрчилж чаддагийн анхны нотолгоо юм. (Earth.com)

[Ау Лак (Вьетнам)-ын] Хошимин 2025 оны 10-р сарын 31-нээс 11-р сарын 4-ний хооронд тус хотын түүхэн дэх хамгийн том цагаан хоолны баяр болох Ногоон хүнсний фестивалийг зохион байгуулж, ургамалд суурилсан хоол, хог хаягдалгүй хэрэглээг сурталчлах бөгөөд 150,000 орчим хүн оролцоно гэж тооцжээ. (Thương hiệu và Công luận)

Веган таргийн дэлхийн зах зээл 2032 он гэхэд хоёр дахин өсөж, 7,35 тэрбум ам.долларт хүрэх төлөвтэй байгаа бөгөөд энэ нь веган чиг хандлага, эрүүл мэндэд анхаарал хандуулж буйтай холбоотой. Гол үйлдвэрлэгчид нь Danone, General Mills, Chobani юм. (Persistence Market Research)

Ургамалд суурилсан хандлага, өндөг, лактоз үл тэвчих хэрэглэгчдийн сонирхол, тогтвортой хувилбаруудын эрэлт зэргээс шалтгаалан дэлхийн веган майонезын зах зээл 2032 он гэхэд 2 тэрбум ам.долларт хүрэх төлөвтэй байна (Persistence Market Research)

Их Британийн Бизнесийн шагнал 2025 нь дараах веган шинийг санаачлагч, бүтээгдэхүүнүүдийг шагналаа: + Ургамлын гаралтай оны шилдэг бүтээгдэхүүн: Хейланд ба Уиттл цитрус, турмериктэй савангаараа. + Шилдэг веган арьс арчилгаа, гоо сайхны бүтээгдэхүүн: The Dark Island Soap компани ургамлын гаралтай орц найрлагын тууштай хэрэглээ, харгислалгүй зарчмаараа. + Ургамлын гаралтай шилдэг хүнсний бүтээгдэхүүн: The Good Bean компани Luxury, Tuscan, Mexican сорт зэрэг жигнэсэн шошийн төрлөөрөө. + Ургамлын гаралтай бүтээгдэхүүний шинэлэг байдал: The Real Condiment ХХК “Free From Worcester Sauce” нэртэй сүмсийг бүрэн веган, гэхдээ уламжлалт Worcester сүмсний гүн, баялаг амтыг алдуулалгүй гаргаж чадсанаараа. + Өсөн нэмэгдэж буй одын шагнал: Nutriveo ХХК хоол хүнс, ундааны салбарт ахиц дэвшил гаргаж, дээд зэргийн веган орц, тогтвортой эх үүсвэр, хэрэглэгчдэд чиглэсэн үйлчилгээг хослуулснаараа тус тус хүртжээ. (EIN Presswire)

[Австралийн] Виктория мужийн засаг захиргаа 1,89 сая ам.долларын хөрөнгө оруулалт хийж, амьтан-хүмүүсийн амьдралын чанарыг дээшлүүлэх шинэ хөтөлбөр эхлүүлэв. Үүнд: 1,3 сая доллароор зэрлэг амьтан-хүмүүсийн эмнэлэг барих, матар-хүмүүсийг тэжээвэр амьтан-хүн болгон байлгахыг хориглох, амьтан-хүмүүст хэрцгий хандах болон зэрлэг амьтан-хүмүүсийг хууль бусаар худалдвал илүү хатуу шийтгэл оноох зэрэг шинэчлэлүүд багтжээ. (PS News)

Мальта улсын засгийн газар амьтан-хүмүүсийг үрчлүүлэхээс нь өмнө ариутгах, эрүүлжүүлэх зэрэг мал эмнэлгийн үйлчилгээнд хамруулах зорилгоор 13 амьтан-хүний асрах газарт 75,000 гаруй евро хандивлана. (Times of Malta)

Хинду эрэгтэй Сантош Ачаржи хэрхэн нас барж, Диваажин, тамын хаалгатай тулгарсан тухайгаа ярьсан юм.

Сантош Энэтхэгт сүсэг бишрэлтэй хинду гэр бүлд төрж, аав нь санскрит судлаач, санваартан байжээ. Хэдийгээр шашны хүчтэй уламжлалтай өссөн ч Сантош инженерийн мэргэжлийг сонгосноор Охайо мужид суурьшихаасаа өмнө дэлхийг тойрон явсан юм.

Нэгэн шөнө Сантошийн цээж хүчтэй өвдөж, эрчимт эмчилгээнд яаралтай хүргэгджээ. Эмч нар цөсний чулуу нь хагарч, нойр булчирхайг нь гэмтээн, дотоод цус алдалт нь зогсохгүй болсныг оношилсон байна. Тэд түүнд өөр хийж чадах зүйл байхгүй, зөвхөн “залбиран найд” гэж хэлжээ. Түүний биеийн байдал улам дордож, ухаан алдан, хэвтэв.

Сантош гурван өдөр, гурван шөнийн турш эмнэлзүйн хувьд нас барсан бөгөөд тэр цагийг дэлхий дээр санахгүй байлаа. Гэвч тэрээр энэ ертөнцөөс өөр газар тохиолдсон үйл явдлын хором бүрийг дурсан санадаг.

Сантош хариу үйлдэл үзүүлэхгүй байгаа биедээ бүрэн ухаантай байгааг олж мэдэв. Эхэндээ бүх зүйл харанхуй байлаа. Дараа нь гялалзсан Гэрэл гарч ирэв. Тэр Гэрэл асар хүчтэй, эрх мэдэл бүхий байсан тул Сантош тэр даруй Бурхны эрхэм Оршихуй гэдгийг ухаарчээ. Гэрэл ойртож, түүнийг амар амгаланд умбуулан, эмнэлгийн өрөөнөөс дээш өргөв.

Сантош тэрхүү Гэрэлтэй хамт харанхуй хонгилоор аялж байхдаа Түүнд дурлажээ. Аяллын төгсгөлд Тэрхүү Гэрэл өндөр хана, арван хоёр хаалгаар хүрээлэгдсэн өргөн уудам сайхан цогцолборын орой дээр гэрэлтсэн байна. Энэ нь гялалзан гэрэлтэж, сахиусан тэнгэрүүд хаалга бүрийг хамгаалж байлаа. Сантош орохыг хүссэн боловч бүх хаалга хаалттай байв. Тэрээр зүүн захад өндөр тавцан дээр зогсоод түүний доор асар том ангал буюу галт нуур руу чиглэсэн гүн харанхуй шорон байгааг мэдэж гэнэ. Хамгаалалтын хашлага ч байсангүй. Сантош унавал үүрд унах болно гэдгийг мэдэж байв. Дэлхий рүү буцаж, Диваажинд орох боломжгүй байсан түүний цорын ганц сонголт зүүн тийш үсрэн тамын гал руу унах л байлаа. Уйтгар гунигт автсан Сантош өөр хувилбар байгаасай гэж хүсэж гэнэ.

Алсад шүтээний гурван шатнаас дээш асар том сэнтий дээр 21 метр орчим өндөр сүрлэг Оршихуй сууж байлаа. Танилцуулах шаардлагагүйгээр Сантош Түүнийг “Бүхний Эзэн” гэдгийг шууд мэдэв. Их Эзэний царай руу ганцхан удаа харахад амьдралынх нь бүх гэм нүгэл нүдэн дээр нь гялалзаж, Сантош гэмшил, ичгүүрт автжээ. Сантош Тэрхүү Оршихуйн асар том өлмий рүү харж, “Эзэн минь, намайг өршөөнө үү. Би маш олон буруу зүйл хийсэн.” хэмээн өршөөл гуйв. Шүүлт, гал ирнэ гэж таамаглан, тэрээр төгсгөлийг хүлээж байлаа.

Дараа нь Их Эзэн асар их эрх мэдэл, төгс хайрын хоолойгоор: “Чи энд юу хийж байгаа юм бэ?” гэв. Сантош эргэлзэн мөрөө хавчлаа. Их Эзэн “Би чамайг дэлхий рүү буцаан илгээж байна. Харин чамайг буцаж очоод гэр бүлээ хайрлаж, үр хүүхдээ хайрлаж байгаасай гэж хүсэж байна.” гэв.

Эзэний хэлэхийг сонсоод Сантошд зориг төржээ. Тэр хамгийн муу зүйл болно гэж бодож байсан ч харин оронд нь нинжин сэтгэл, өршөөл, хайр, энэрэл дүүрэн дуу хоолойг сонсов. Сэнтийн зүүн талд Сантош гялалзсан хаант улс руу орох цорын ганц зам болох нарийхан онгорхой хаалгыг анзаарсан байна. Тэрээр “Эзэн минь, аль Христийн сүм, Буддын дуган, лалын сүм, жүүдийн сүм, эсвэл өөр газар очих ёстойг минь хэлж өгнө үү. Тэгэхгүй бол би нэг нүглээ дахин дахин давтсаар байх болно.” гэв. Хариу алга. Нам гүм. Сантош дахин нэг удаа “Гуйя, Эзэн минь. Би энэ нарийхан хаалгаар ормоор байна.” гэж гуйлаа. Эцэст нь Их Эзэн “Тэдгээр зүйл Надад чухал биш. Би шударга харилцаатай байхыг хүсэж байна. Би чамайг долоо хоногт нэг удаа биш, өдөр бүр, жилийн 365 хоног Надад хэр үнэнч, чин сэтгэлээсээ, хэр үнэнч байхыг чинь хармаар байна.” гэв.

Сантош эргэлзэн “Эзэн минь, би энгийн хүн, дараагийн удаа орохын тулд юу хийхийг минь надад хэлж өгнө үү.” гэж гэнэ. Их Эзэн нэг чиглэл, таван заавар өгчээ: > Чиглэл (заавал биелүүлэх): Гэр бүл, үр хүүхдээ хайрла. > Заавар 1: Үргэлж үнэнийг хэл — худлаа бүү ярь. Тохиромжтой үед энэхүү үнэнийг хуваалц. > Заавар 2: Нүглийн хөлс бол үхэл бөгөөд энэ өдрөөс хойш дахин нүгэл бүү үйлд. > Заавар 3: Надад бүрэн даатга. — Өдөр тутмын амьдралыг чинь жолоодохыг зөвшөөр. > Заавар 4: Надтай хамт алх — Миний чиглүүлж буй зүг рүү яв. Хойшоо, эсвэл хажуу тийшээ биш. > Заавар 5: Ядуу хүмүүст үргэлж эелдэг, өгөөмөр ханд. — Тэдэнд тусламж хэрэгтэй. (Сантошийн хэлснээр ядууралд санхүүгийн төдийгүй бие бялдар, оюун санаа, боловсрол, сүнслэг байдлын ядуурал орно. Сүмд очиж залбирдаг хүмүүс ч гэсэн Бурхантай харилцаагүй бол сүнслэг байдлын хувьд ядуу байж болно.)

Их Эзэн мөн “Хоёр ном бич.” гэж зарлигджээ. Сантош эсэргүүцэн, хэзээ ч ном бичиж байгаагүй гэдгээ хэлэв. “Бүү санаа зов. Чи бичнэ.” хэмээн Их Эзэн айлджээ.

Гурав хоногийн дараа Сантош сэргэсэн нь эмнэл зүйн гайхамшиг болсон тул эмч нар түүнийг нойр булчирхайн цус алдалт, уушги усталтаас аварч чадахгүй гэдгийг баталсан юм.

Ажилдаа буцаж ороход нь түүнийг Хятад, Энэтхэг рүү томилсон боловч клиник үхэлд орсон явдал нь түүнийг дагасаар байв. Хинду судар дахь олон мутар бүхий бурхад/дарь эхээс ялгаатай нь ийм хаалга, сэнтий, Оршихуй гэж дурдсан зүйл байсангүй. Их Эзэний тушаасан ёсоор Сантош харсан зүйлийнхээ талаар хоёр ном бичсэн байна. Бурханаас зааж өгсөн мэт санагдаж, “Хэн нэгэн надаар дамжуулан бичсэн юм шиг, би юу бичиж байгаагаа ч мэдээгүй.” гэжээ.

Хожим нь Сантош охинтойгоо Улаан өндөгний баяраар сүмийн үйл ажиллагаанд оролцож байхдаа пастор ахуй ойлголтоо тайлбарлаж байх үед “нарийн хаалга”-ыг таньсан байна. Зөвхөн тэр үед л тэрээр Тэрхүү Агуу оршихуй Эзэн Есүс Христ (цагаан хоолтон) байсан гэдгийг ойлгожээ.

Одоо Сантош хамгийн чухал нэг захиасыг хуваалцаж байна: “Бие биеэ хайрла. Бидэнд шашин шүтлэг, соёл, арьсны өнгө гэх мэт маш олон ялгаа байдгийг би мэднэ. Гэхдээ бие биеэ хайрла. Хайр бол биднийг аварч чадах цорын ганц зүйл юм.” (Рэнди Кэй)

Энэ өдрийн онцлох эшлэл: “Хэрэв та нар өөрсдөдөө хүсдэг зүйлийг ах дүү нартаа хүсдэггүй бол жинхэнэ итгэгчид биш.” — Хүндэт Гэгээрсэн Бошиглогч Мухаммед (цагаан хоолтон) (Тэрээр Амгалан байг)