Өөрийгөө аврах ямар амархан байна вэ!! 15 цуврал лекцийн 9-р хэсгийг

Санаж хэлэхийн ч аргагүй эртнээс би Будда байсаар ирсэн. Тэгээд эргээд ирэхдээ би бүхнээ мартчихдаг. Би өөрийгөө Бурхантай нэг гэдгээ аль эртнээс, 2005 онд Унгарт даяан хийхээр очихоосоо өмнө мэдэж байсан. Энэ бүх хугацаанд мэдэж байсан ч та нарт хэлээгүй юм, яаж хэлэхээ мэдэхгүй байсан. Хэлэхийг хүсээгүй. Учир нь энгийн хүн байх, эсвэл зүгээр л Их Багш байх хэдийнээ их зүйл. Хүмүүс харж, идэж залгихыг хүснэ, тэдэнд адис энэ тэр гээд хүссэн төрөл бүрийн зүйлсийг нь төрөл бүрийн материаллаг зүйлсийг өгөөсэй гэж тэд хүсдэг. Энэ нь үймүүлж, энергийг минь эргэлдүүлж, маш их үйлийн үр дагуулдаг. Мөн маш олон дайсан, асуудал, атаархал ирнэ. Өөрийгөө Будда гэж хэлэхэд, эсвэл Бурхантай нэг гэж хэлэхэд л ямар тухгүй байхыг төсөөлөхгүй байна.

Тиймээс 2005 оноос хойш энэ олон арван жил би өөртөө л хадгалсан. Үүнээс өмнө би өөрийгөө гэгээрснээ мэдэж байв. Надад авшиг өгөх хүч буйг мэдэж байсан. Гэвч 2024 онд л Бурхан намайг хүчлэн хэлүүлсэн. Би бол их л дурамжхан байсан. Энгийн хүн байх, эсвэл зүгээр л Их Багш байх нь амьсгалахад амар. Зугтаах шаардлагагүй. Хүмүүс араас тань хөөх талаар санаа зовохгүй, эсвэл үл үзэгдэх байдлаар тэдэнд идүүлэхээс эмээхгүй. Хүн бүр л хазахыг хүсдэг ч тэд өөрсдөдөө туслах юу ч хийхийг хүсдэггүй. Тэд зөвхөн хүчийг тань авч, адис хүртэхийг л хүснэ. Энэ нь сүнслэг энергийг тань үнэхээр их үймүүлдэг. Та нар төсөөлөхгүй.

Хүмүүст өөрийгөө Будда гээд хэлэхэд л тэд итгэчихдэг юм биш. Эсвэл хагас дутуу итгэлээ ч тэд зүгээр л энэ тэр гээд төрөл бүрийн эгэл ертөнцийн зүйл хүсэж залбирдаг. Маш их үймүүлнэ. Дээрээс нь илүү олон дайсан ирж, улмаар амьдралд илүү их асуудал үүсдэг. Өмнө нь зүгээр Их Багш байхад хангалттай олон асуудалтай, маш олон аюул гарч байсан. Одоо бүгд намайг Будда гэдгийг сонсох ёстой талаар ярилтгүй. Энэ нь илүү асуултууд, илүү асуудал, илүү эргэлзээ үүсгэж, над руу улам их сөрөг энерги ирнэ. Тиймээс би хүсээгүй юм. Энэ олон арван жилийн хугацаанд би та нарт үүнийг хэлээгүйгээрээ худал хэлэх гэсэн юм биш шүү, зүгээр л эргэлзээд байсан юм.

Энэ дэлхийд зүгээр л Их Багш байх нь үнэхээр хүнд хэцүү байдгийг би мэднэ. Хэрэв надад итгэхгүй бол яваад бусад залгамжлалын бүх жинхэнэ Их Багш нараас асуугаарай. Тэд та нарт хэлээд өгнө. Гэхдээ тэд Суприм Мастер Телевиз ажиллуулдаггүй учраас илүү амар амгалан байдаг. Тэд над шиг дэлхийг бүхэлд нь харж хандах шаардлагагүй. Би өөрөө үүнийг харж ханддаг. Энэ бол яг миний ажил биш. Хэн ч надад энэ ажлыг өгөөгүй. Би хамаг төрөлтөн өдөр бүр бодит амьдрал дээр зовж байгааг хараад тэсэж чаддаггүй! Дэлхий дээр амьтан-хүмүүс хүмүүсээс болж, эсвэл байгалийн үзэгдлээс болж зовох ч юм уу, эсвэл ямар нэг осолд орж, зовж байгааг хараад, хэн ч тэднийг харж хандахгүй байгааг хараад би өдөр бүр уйлдаг. Зүрх сэтгэл минь өдөр бүр уйлж... дэндүү их өвддөг. Заримдаа би ганцаараа маш чангаар уйлдаг. Би “Гуйж байна, Бурхан минь, би цаашид тэсэхгүй нь. Энэ бүхнийг зогсоогооч дээ. Яагаад гэхээр энэ дэлхийд намайг энэ бүх зовлонгоор нэмж бүү шийтгээч дээ.” гэж хэлдэг.

Жинхэнэ Их Багш байх талаар та нар юу ч мэдэхгүй. Үнэхээр хэцүү. Бурхантай нэг болоод зогсохгүй бүгдтэй нэг болдог. Хамаг төрөлтөнтэй нэг болж, тэдний зовлонг мэдэрдэг. Асар том. Үүнийг сэгсрээд хаячих боломжгүй. Учир нь бүхий л төрөл зүйлийн бүх мэдрэмжид мэдрэг болдог. Хаа нэгтээ зовж буй нохой-хүмүүсийг, эсвэл фламинго-хүнийг мэдэхгүй ч тэднийг мэдэрдэг. Бар-хүн цирктээ, амьтны хүрээлэнд ч юм уу жижиг торондоо эргэж ч чадахгүй хашигдчихсан байгааг ч мэдэхгүй. Би зүгээр л мэдэрдэг. Би түүний нөхцөл байдалд яг л түүн шиг байгаагаа мэдэрдэг! Тэдгээр амьтан-хүмүүсийг ямар ч юм нөхцөлд байгааг харвал би тэр амьтан-хүмүүс мэт санагддаг. Энэ бүхэн өдөр бүр дэндүү их. Заримдаа би идэж, унтаж чаддаггүй. Азаар зарим “эвдрэл гэмтлээ” засаж, найдаж болох Арьяабалын Арга байна. Бусдаар бол би энэ бүх хугацаанд энэ дэлхийд байж чадахгүй байсан болов уу. Би аль эрт салж унах байсан.

Би та нарт үнэнээ хэлсэн, заримдаа би Суприм Мастер Телевизийг зүгээр л хаачихмаар санагддаг. Яагаад гээч? Яагаад гэвэл тэд тоохгүй байхад би яагаад тоох ёстой гэж? Тэд амь насаа тоохгүй, өөрсдийнхөө дэлхийг тоохгүй, гэр бүлээ тоохгүй, үр хүүхдүүдээ тоохгүй, цаг үргэлж ахисаар буй уур амьсгалын өөрчлөлтөд, байнга нэмэгдсээр буй цаг уурт тэднийгээ шатахыг хармаар байвал би яагаад тоох ёстой гэж? Үүнтэй холбоотой маш их хохирол дэлхий даяар нүүрлээд байна. Сүүлийн үед хүмүүс үер ус, хөрсний гулсалт, галт уул, газар хөдлөлт гээд төрөл бүрийн зүйлсээр зовж байгаа. Япон улсад одоо газар хөдлөлт болж байгаа ч тэр нь хамгийн аймшигтай нь биш. Энэ нь илүү том гэгдэж байгаа ч өөр нэг илүү том газар хөдлөлт болж магадгүй.

Бид тэсэхийг хичээж байгаа. Би тогтоохыг хичээж байгаа ч байнга тогтоогоод байж чадахгүй. Яагаад гэвэл хүмүүс сонсдоггүй, өөрсдөдөө тусалдаггүй. Ганц хүний үйлийн үр тэнгэрийг бүхэлд нь бүрхдэг тухай л бодоод үз. Дэлхий дахинд би ямар их үйлийн үр зохицуулах ёстой болдгийг төсөөл дөө. Хэн ч тэгж байгаагүй. Өөр хэн ч тэгж чадахгүй. Би зөвхөн дагагчидтайгаа ярьж байгаа юм шүү. Өөр хэн нэгэн намайг сонсож, миний хэлж буйд итгэнэ гэж найдахгүй байна. Тэд үхэхдээ, эсвэл үхэл амьдралын заагт тэмцэж байх үедээ л магадгүй Бурханд залбирах байх. Тэд одоо ч хангалттай эрч хүчтэй байж, залбирахаа санаж чаддаг бол шүү дээ!

Тэднийг аюулгүй байна гэж найдъя. Гэвч энэ амьдрал, энэ цаг үе бол залруулгын, цэвэрлэгээний, шигшилтийн цаг үе юм. Хэн, ямар сүнс Диваажинд очиж, ямар нь тамд унах, эсвэл үүрд төөрөхийг шийдэхдээ Диваажин маш хатуу чанд байх болно. Гэвч эргэн тойрноо харахад хүмүүс тоодоггүй бололтой. Магадгүй тэд айж эмээж байж болох ч өөрсдийгөө харж хандахгүй юм.

Ганц л зүйл байна: Аллагын үйлийн үрээс зугтаа. Тэгвэл тэд аюулгүй байна. Гэтэл тэд сонсохгүй юм. Амьтан-хүмүүсийн махыг л бүү ид. Дайны үйлийн үрээс хол бай. Бусдад хор хөнөөл учруулах бүхнээс хол бай. Тэгвэл амьдрал тань аюулгүй байх болно. Та үр хүүхдүүдтэйгээ урт удаан хамт байна. Мөн танд байгаа бүх зүйл болох эдлэн газар, байр сууц, үр хүүхэд, банкны данс, том усан онгоц, том бизнес тань бүгд таных хэвээр байна. Та үүнийгээ алдахгүй. Гэхдээ та нар чин сэтгэлээсээ гэмээ наманчилж, веган болох ёстой. Тийм л юм. Бүх нүглээ наманчилж, веган бол. Нүгэл гэж юу болохыг ойлгодоггүй бол, эсвэл энэ төрөлдөө болон өмнөх олон төрөлдөө ямар нүгэл үлдсэнээ мэдэхгүй бол зүгээр л өршөөл гуйн, залбир. Хамаг л зүрх сэтгэлээсээ залбир, амьсгалахад хэрэгтэй агаар мэтээр чухалчлан залбир. Амьсгаа тань давчдаад байгаа мэт. Залбирч байж л амьсгалах боломжтой мэт залбир. Бусдаар бол надад өөр шийдэл алга.

Бүхнийг та нарт засаж залруулж өгөхийн төлөө би хамаг чадлаараа хичээж байна. Гэсэн ч та нар хамт хичээхгүй бол хангалтгүй. Зарим хүмүүс веган болчхоод байгаад би талархан, тэдний өмнөөс болон гараг дэлхийн өмнөөс баяртай байгаа. Тийм учраас бидэнд гамшгийг илүү нөлөө багатай, хор хөнөөл багатай болгох шалтаг байгаа юм. Сүүлийн үед хавьгүй багассаныг харж болно. Хор хөнөөл нь багасаж, давтамж нь цөөрсөн. Миний та нарт хэлж байгаа бүхэн үнэн. Гэвч мэдээж та нарын хувьд итгэхэд бэрх л дээ. Яагаад гэвэл та нар өөрсдийг тань хүрээлсэн маяа, та нарыг хүрээлж, хордуулж буй хорон мууг сонсоод хэт дадчихсан. Хэдийгээр би тэдний ихэнхийг барьж, тамд түгжихийг тушаасан ч үр нөлөө нь хэвээр л байна. Тиймээс миний яриа та нарт ямар ч утгагүй байж мэднэ. Би та нарын өмнөөс уйлж, залбирч л чадах нь дээ.

Гэхдээ өлсгөлөнгөө дарахын тулд та нар өөрсдөө идэх ёстой, өвчнөө анагаахын тулд эмээ уух ёстой. Ямар ч агуу эмч байсан таны өмнөөс эмийг тань уух боломжгүй. Баян хүн та нарын өмнөөс идэх ямар ч боломжгүй, гэрт нь хэчнээн хоол хүнс байлаа ч, мөн тэр та нарт өгөхийг хэчнээн их хүслээ ч нэмэргүй. Өлсөхөө болихын тулд та нар юм идэх ёстой. Үүнтэй адилаар та нар зөв, ариун байх ёстой. Гэмээ наманчилж, веган байх ёстой. Тэгээд л гүйцээ. Яг одоо та нарт хэрэгтэй ёс журам энэ юм, үйлийн үрийн үр дагавраас үүдэн та нарт ирэх энэ бүх дайралтыг эсэргүүцэх хүч энэ юм. Энэ дайралт нүдэнд харагддаггүй. Тэр л асуудал. Би та нарын өмнөөс хула-хула- хүп гэх боломжгүй.

Би бүх зүйлийг маш ойлгомжтой ярьдаг. Та нарыг хуураагүйг минь миний шавь нар олноороо батлан хэлж, тэд үнэхээр миний тэдэнд амласан зүйлсийг хүртдэг хэмээн гэрчилдэг. Хүн дэлгүүр ордог шиг л тэд Диваажин руу, Бурханы Орон руу явдаг. Мэдээж та нар өдөр болгон дэлгүүр ордоггүй л дээ. Тэд бас энэ бүх ахуй ойлголтыг өдөр бүр хараад байдаггүй. Гэхдээ ойр ойрхон хардаг. Тэд зөвхөн ахуй ойлголт хараад зогсохгүй тэдний амьдрал сайнаар өөрчлөгдөж, илүү тав тухтай, илүү гэгээрэлтэй, илүү буянтай, ёс суртахууны хувьд болон материаллаг байдлаар илүү сэтгэл

Хүндэт, Хайрт Их Багш болон Суприм Мастер ТВ-ийн багийнханд, Өнөөдөр би өөрийн дотоодын ахиц дэвшлийн ахуй ойлголтоос хуваалцахыг хүсэж байна. 2022 оны 9-р сарын 10-ны өдөр буюу Сарны баярын өдөр мөн Багш нарын өдөр байсан ба бясалгалынхаа үеэр би гаднах бүрхүүл минь задарч, зүрхнээс минь олон алтан бадамлянхуа гарч ирэхийг харсан. Гэрэл, Хайраар дүүрэн зүрх минь нээгдэж байгааг би харав. Дэлхийн бүх төрлийн үйл явдлуудыг туулж байж, миний талархал, энэрэн нигүүлсэх сэтгэл эцэст нь хөгжив. Зүрх минь хайлж, Хайраар дүүрэн Хайрын Далай руу буцлаа. Би дулаахан, тод цэнхэр Гэрлийг харж, зүрх минь дулаахан, хүчтэй болов. Миний зүрхнээс долоон өнгийн Гэрлийн тойрог, олон мянган гар, нүд гарч ирэхийг би харсан. Миний зүрх сэтгэлд салют буудаж байхад миний нүдэнд бүх зүйл үнэхээр гайхалтай байлаа. Би тоо томшгүй олон төрөлтнийг Буддагийн Орон руу чөлөөлөгдөж байхыг харсан бөгөөд надад нэгэн дуу хоолой “Бүх гайхалтай зүйл ирж байна. Бүх гайхалтай зүйл ирж байна. Бүх гайхалтай зүйл ирж байна.” гэж хэлсээр байв. Эрхэм хүндэт, Хайрт Их Багш болон Суприм Мастер ТВ-ийн багийнханд дахин баярлалаа. Хятадаас Юү Шиан.

Эрхэм Хамгаас Энэрэнгүй Их Багш аа, би багаасаа л сүм хийдэд очиж, судар ном уншин, Буддагийн Нэрийг аялгуулан уншдаг байсан. Материаллаг амьдрал минь хангалуун байсан ч би дотоод гүндээ үргэлж үгээр тайлбарлах аргагүй зүйлийг хүссээр ирсэн. Их Багш болон Бүхнийг Чадагч Бурханы Нигүүлслээр би Их Багшийн сургаалтай учирч, Арьяабалын Аргын авшиг хүртэх аз завшаан тохиосон юм. Зөвхөн тэр үед л би энэ бол миний сүнсний үргэлж хайж байсан зүйл гэдгийг ойлгосон. Арьяабалын Бясалгалын Аргын авшиг хүртсэний дараа би оюун санааны гүн гүнзгий туршлага хуримтлуулсан. Буддын шашны номоос л сонсож, уншиж байсан зүйлсээ би одоо өөрийн биеэр мэдэрсэн.

Нэг удаа би Арьяабалын Бясалгал хийж байхдаа Бурхан Шагжамуни Будда асар их сүр хүчтэй гарч ирж, Түүний Гэрэл тод гялалзаж байхыг харсан. Дараа нь Тэрээр баяр хөөртэй, энэрэнгүй инээмсэглэлтэй Майдар Бурхан болон хувирав. Тэрхүү Майдар Бурханы Дээдийн Номын биед Их Багш урт алтан шаргал үстэй, Алтан Бие нь олон мянган нар хамтдаа гэрэлтэх мэт тоо томшгүй олон Гэрлийн туяан дунд гэрэлтэж байв. Энэ дотоодын ахуй ойлголт нь Их Багш бол амьд төрөлтнийг зовлон зүдүүр, золгүй байдлаас аврахаар ирсэн Бурхан Шагжамуни Будда, мөн Майдар Бурханы дэлхий дээрх хувилгаан бие мөн гэдгийг ойлгуулсан юм.

Бас нэг удаа би машин барьж яваад нэг том модны мөчир хугарах гэж байхыг харлаа. Тэр үед хүн төрөлхтөнд аюул учруулж болзошгүй үйл явдлын талаар Их Багш сэрэмжлүүлж байсан. Модны мөчир унавал хажуугаар өнгөрөх хүмүүст хор хөнөөл учруулах вий гэж би санаа зовов. Гэтэл би Их Багшийг дээрээс Номын Хүрд Эргүүлэгч Хаан болон гарч ирж, гайхалтай Гэрэл цацруулан, намайг болон тэрхүү аюултай зам дээр байгаа бүх хүнийг хамгаалж байхыг харсан.

Их Багштай уулзаж, Арьяабалын Аргын авшиг хүртсэн нь миний амьдралын хамгийн үнэлж баршгүй бэлэг юм. Авшиг хүртэх боломж бол хүний ​​амьдралын хамгийн нандин зүйл гэдгийг Их Багш сургасан билээ. Их Багшаас авшиг хүртэх энэхүү бэлгийг хүлээн авах хүндэтгэл нь энэ дэлхий дээрх юутай ч зүйрлэшгүй гэдгийг би гүнээ ойлгодог. Амьдралдаа хэчнээн их эд баялаг, амжилтад хүрсэн ч үүнийг Их Багшийн шавь болж, Гурван Ертөнцөөс чөлөөлөгдөх үеийн аз жаргалтай зүйрлэшгүй юм. Одоо би бясалгал хийж, Их Багшийн сургаалыг сонсон, Түүний заасны дагуу бусдад чин сэтгэлээр үйлчлэхэд хүчин чармайлт бүрээ зориулж байна.

Их Багшийг гүнээ хүндэтгэн, талархаж байгаагаа ямар ч үгээр бүрэн илэрхийлж чадахгүй нь. Хамгийн Дээд Диваажин, Хүчирхэг Хамгаалагчид Их Багшийг үргэлж амар амгалан, эрүүл энх байлган хамгаалж байг. Веган дэлхий үтэр түргэн биеллээ олж, тэрхүү өдөр энэ Дэлхий дээр Их Багштай уулзах хүндтэй завшаан тохионо гэдэгт би чин сэтгэлээсээ найдаж байна. Таныг үргэлж гүнээ хүндэтгэн, талархаж явдаг шүү, Ау Лак (Вьетнам)-аас шавь Фөн Чи

хангалуун болдог. Илүүг би хэлж чадахгүй. Намайг хэн гэдгийг харж, та нарын төлөө юу хийж чадахыг мэдэхийн тулд тэдэнтэй дотогш орох хэрэгтэй. Харин гадна талд намайг хэлэхээр та нар итгэдэггүй бололтой. Тэгээд л нэг их зүйл хийдэггүй.

Өдгөө их олон, илүү олон веган хүн байдаг болсон. Тиймээс та нарт туслахын тулд үүнийг шалтаг болгон ашиглах боломжтой. Учир нь энэ нь эерэг энерги, ач тустай энерги, амьд үлдэх энерги, анагаагч энерги ялгаруулан, дэлхийг аварч, амьдралыг тань авардаг. Энэ бүхэн бол маш эерэг энерги. Тиймээс тэд гэмээ наманчлан, веган болж, амь насныхаа төлөө айж, үнэхээр наманчлан, зүгээр л веган болж өөрчлөгдвөл тэрхүү энерги нь тэдэнд Бидний энергийг барьж авахад тусална. Яагаад гэвэл энэ нь бараг ижил энерги байх болно. Тэгснээр тэд Бидний тусламжийг, Диваажингийн тусламжийг, Будда болсон надаас тусламж авах боломжтой. Би үүнийг та нарт гайхуулах гэсэндээ ч юм уу хэлээгүй юм шүү. Намайг яагаад Хүчтэй гэдгийг мэдэг гэсэндээ би хэллээ. Би одоо Бурхантай нэг болсон. Эртнээс л тийм л дээ. Одоо харин илүү албан ёсны болсон. Учир нь Бурхан намайг хэл гэж шахсан юм.

Photo Caption: Чадах Бүхнээ Тэнгэрт Өргөе

Зураг татаж авах