Тайвны Хаан ба Ялалтын Хааны талархал, 11 цуврал лекцийн 1-р хэсгийг

Бурханыг Хайрлан, Бурханд талархаж, Бурханыг хүндлэн, Бурханыг шүтье. Бүхий л Гэгээнтэн Мэргэд, арван зүгийн Будда нараас үзүүлж буй бүх Адис ерөөл, тусламж, өршөөл, гэгээрэлд, мөн сорилт, туршилт байсан ч бай бидэнд хайрласан бүх зүйлд талархал илэрхийлэн, Хайраа илгээе. Учир нь сорилтод орох нь бидэнд сайн. Тэгснээр бид өөрсдийгөө хэр өсөж томорч, хэр тэвчээртэй, хэр хүчтэй болсноо мэддэг.

Сайн байцгаана уу? Хайр энэрэлт хүмүүс, хичээнгүй та бүхэн, гэгээлэг төрөлтнүүд, энэ дэлхийн бүх веган хүний хайранд талархъя. Та бүхэн улам хөгжиж, өөртөө болон оюун санааны дадал бясалгалын амжилтдаа сэтгэл хангалуун, байхын төлөө Бурханыг, Диваажинг, бүхий л Гэгээнтэн Мэргэд, Будда нарыг санаж байдагт талархъя. Бурхан та нарыг Гэртээ харихыг тань болгоох өдрийг хүртэл бүгдээрээ жинхэнэ ертөнц, жинхэнэ Гэр, жинхэнэ Хайр, жинхэнэ Адислалын дотоод Сүр Жавхлант ахуй ойлголтыг мэдэрсээр байх болтугай. Амен.

Надад товч мэдээлэл байна. Үнэндээ миний ярих зүйл аяндаа байх учраас хэр богино, би хэр удаан ярихаа мэдэхгүй байна. Ямар ч төлөвлөгөө байхгүй, ямар ч урьдчилсан зохицуулалт гэх мэт зүйл байхгүй. Тэртээ тэргүй та нарын амьдрал хэт завгүй учраас би товчилж болно, товчилно оо. Гэхдээ юу ч болсон Бурхан шийддэг.

Нэгдүгээрт Бид дэндүү завгүй байгаа ч Бурхан надад та нартай ахин ярихыг зөвшөөрсөнд баяртай байна. Би нэгэн хэсэг нь болсон Гурвал тун завгүй байлаа. Төсөөлүүлж хэлбэл заримдаа та нар кино үзэхэд жишээ нь гол дүр нь мэргэжлийн күн фүч юм уу, тэр хүн нэг биш олон дайсантай, тэдгээр нь гол дүрийн күн фү мэдэх хүнтэй тулалддаг. Бүх талаас нь. Тэгээд тэр күн фү мастер, күн фүгийн баатар голд нь зогсоод их л завгүй, гар, хөл, нүд гээд бүтэн биеэ анхааралтай байлгаж, үргэлж бүх талаас ирэх дайснуудын дайралтад бэлэн байх ёстой болдог. Тэрээр бүгдийг нь нэгэн зэрэг дийлж чадахгүй. Учир нь тэд нэг нэгээрээ ирнэ, эсвэл бүлэг бүлгээрээ ч юм уу хэд хэдээрээ ирдэг.

Гэхдээ та нарт хэлэх сайн мэдээ байгаад баяртай байна. Жишээ нь: Өдөр тутмын мэдээгээр Их Британи Умард Ирландын Нэгдсэн Вант Улсын тухай сайн мэдээ гарсан. Гэвч сайнаасаа илүү олон муу мэдээ байна. Дэлхийн бүх улс оронд ИБУИНВУ-ын тухай Өдөр тутмын мэдээгээр гарсан шиг сайн мэдээг хүргэж чаддаг ч болоосой. Учир нь Нэгдсэн Вант Улс бүтэн жил хамгийн бага үйлийн үр, эсвэл бараг тэг үйлийн үр хүртэх эрх авсан. Энэ нь бас хүмүүсээс нь хамаардаг. Жилд ямар ч үйлийн үр хүртэхгүй гэж надад хэлсэн ч хэрэв хүмүүс намайг ингэж хэлэхийг сонсоод Диваажингийн зүг чиг, зааварчилгааны эсрэг зүйлс хийсээр байвал үйлийн үргүй байх жил тийм ч бүрэн гүйцэт байхгүй. Тиймээс Нэгдсэн Вант Улсын хүмүүс юмсыг үл ойшоож, жилийн турш тэд ямар ч үр дагавар хүртэхгүй гэж бодож, бардамнан, баярлаж, гайхуулж болохгүй. Тийм биш.

Дээрээс нь заримдаа тэд цагаачдыг улс орондоо оруулбал, хууль ёсны ч бай, хууль бусаар ч бай тэд бас тэдний улс оронд өөр үйлийн үр авчирна. Мэдээж бид Нэгдсэн Вант Улсад Бурханы Ивээл дор хамгийн сайн сайхан бүхнийг хүснэ. Мөн бусад улс орнууд бас үүнийг дагаж, зарим нэг сайн үйл үйлдэнэ гэж найдъя. Эсвэл магадгүй надад тэдний улс орноор дамжин өнгөрөх ч юм уу тэнд амьдрах боломж гарч, магадгүй бас би энергиэсээ нэмэрлэн тэдний азыг нэмэх боломжтой. Гэвч Бурхан намайг аваачихыг хүссэн газар би очдог учраас дараа хаана очихоо би огт мэддэггүй.

Өөр нэг зүйл бол хэрэв тухайн улс би нэг хэсэг нь болсон ГУРВАЛ-д эелдэг бус хандах аваас тэр улс болон түүнтэй холбоотой хүмүүс огт төсөөлөөгүй том гамшигт өртөж болзошгүй! Жинхэнэ Их Багшид муу хандвал мөн адил, муу үр дагавартай! Тухайн улсад том гамшиг нүүрлэнэ...! Энэ мэдэгдэл намайг бүр их асуудалд оруулж, сэтгэл зүйн сөрөг үр дагавар үүсгэж магадгүйг би мэдэж байна аа, мэдэж байна. Гэхдээ ҮНЭН-ийг хэзээд хэлэх ёстой. Тэгэхээр та нар намайг танай Улсад очоогүй, эсвэл байгаагүй гэж буруутгахгүй байх. Ялангуяа олон хүн намайг хүсэн хүлээн, хайрлангуйгаар урьсан. Би та бүгдэд их баярлаж байна. Хэрвээ БУРХАН ХЭЗЭЭ Ч ЮМ ЗӨВШӨӨРВӨЛ би баяртай очих болно. Тэгж нэг улсаас нөгөө улс руу явж, Бурханы Харьяа бүх газрыг үзэх нь баяртай сайхан хэрэг!

Тэгээд ч тэр улс миний хувьд намайг тэнд очиход аюулгүй байх ёстой. Тэр орон заавал дайн дажин, шударга бус төр гэх мэт асуудалтай байх албагүй. Учир нь заримдаа ердөө ганцхан хүн хэний ч амь насанд хор хөнөөл учруулах боломжтой байдаг. Маш олон Их Багш ирж буцсан бөгөөд тэдний ихэнхэд нь хүмүүс хор хүргэж байсан ч улс орны хүн ам бүхэлдээ бус, цөөн хэсэг бүлэг хүмүүс юм уу орон нутгийн мунхаг удирдлага, эсвэл орон нутгийн мунхаг хүмүүс Тэднийг үзэн ядаж, эсвэл ямар нэг шалтгаанаар атаархдаг.

Асуудал нь гэвэл ямар ч Их Багш дэлхийд залрахдаа агуу Хүч, Адис, Өршөөл, Ивээл дагуулан бууж ирдэг. Гэвч энэ гаргийн зарим хүний хувьд Тэдний гэрлэн бие хэт хүчтэй, зарим оршин суугчдын хувьд Хүч нь хэт агуу, Тэдний сургаал дэндүү үнэн байдаг. Учир нь олон хүн амар хялбар, залхуу, тэр бүү хэл нүгэлтэй аж байдалд дасчихсан, ёс суртахуунтай амьдрах нь эгэл ертөнцийн нүгэлт аж байдал шиг нь тав тухтай биш, ээдрээтэй санагддаг! Тиймээс заримдаа тэдэнд ямар нэг юм хэвийн бус санагдаж, Их Багшийн агуулж байдаг тэрхүү хэвийн бус энергийг устгахыг оролддог. Эдгээр нь үнэхээр харамсалтай зүйлс. Гэвч та нарын сайн мэддэгчлэн энэ дэлхийн хүмүүс бүгд яг жинхэнэ хүмүүс биш. Заримдаа тэд хагас хүмүүс. Заримдаа гуравны хоёр Хүний Шинж Чанартай байдаг.

Бие махбодоор хүн байхын тулд хүн хэр их Хүний Шинж Чанартай байх ёстойг та нарт аль хэдийн жагсаалт гаргаж өгсөн. Үнэхээр сайн хүн болсон эсэх талаар нь бүр ч ярилтгүй. Энэ тухай олон жилийн өмнө ярьж байсан. Хэзээ гэдгээ санахгүй байгаа ч та нар энэ тухай сонсоогүй болоод мэдэхийг хүсвэл олж үзээрэй. Суприм Мастер Телевизээр гарч байсан санагдаж байна. Хэзээ гэдгийг нь санахгүй байна.

Бид бясалгал хийвэл бүрэн утгаараа хүн болох уу? Учир нь нэгэн америк эмэгтэй асуулт асуухад хэрхэн бүрэн утгаараа гэгээлэг болох тухай Таны хэлснийг би санаж байна. Та “Бүрэн утгаараа гэгээлэг болохын тулд бүрэн утгаараа хүн байх ёстой.” гэж хариулсан. Бүрэн хүн байхын тулд ямар ямар зүйлийг бүрдүүлэх ёстой юм бол гэж гайхаж байна.

Та орц найрлагыг нь олж аваад бүгдийг нь холиод түүгээрээ хүн хийхийг хүссэн хэрэг үү? Тайлбарлахад хэцүү зүйл л дээ. Гэхдээ бүрэн утгаараа хүн байна гэдэг хүний шинж чанаруудыг агуулахыг хэлнэ гэж хэлж болно. Тухайлбал: хүмүүнлэг үзэл, энэрэл, хайр, өөрийгөө зольж зориулах, эвлэрэнгүй байх, өөрөөсөө илүүтэй бусдын төлөө амьдрах. Өөртөө амьдралын наад захын хэрэгцээт зүйлсийг л зөвхөн үлдээж, бусад тал дээр өөрийгөө бодохоос илүүтэй бусдыг бодох. Энэ бол хүний шинж чанар юм.

Хүний Шинж Чанар. Хүний Шинж Чанар гэдэг хүний эс хэр олонтой байх буян юм. Эрхэм ариун чанар илүү байх тусам хүний эс илүү олон байна. Хүнийг төрөхөөс өмнө ХШЧ (Хүний Шинж Чанар)-ыг Диваажин буянаар нь хуваарилдаг, ойлгож байна уу? (Ойлгож байна.) Тэгэхээр, их бага хэмжээгээр үйлийн үртэй төстэй. ХШЧ нь хүн байхын тулд бүгдэд нь байх ёстой хүний шинж чанар юм. Тэгэхээр хүний биед төрөхийн тулд багадаа 16% ХШЧ-тай байх ёстой. Мэдэж байна уу? (Тийм ээ.)

Харин хүн болох чадал төрөхөөс тань өмнө өөрт тань байдаг. Тэгж байж та хүн болж төрдөг юм. Хүн болохын тулд хэдэн оноотой байх ёстойг хэлж байсныг минь санаж байна уу? (Тийм ээ, Багш аа.) Тиймээс хүмүүс хоорондоо бас өөр өөр. Зарим хүнд Хүний Шинж Чанар илүү байдаг, тэд илүү эрхэм ариун хүмүүс болдог. Гаднаа ч, дотроо ч эрхэм ариун, гоо сайхан. Зарим хүн муухай, зарим нь эрхэм ариун чанар дутмаг. Зарим нь сайхан сэтгэлгүй. Зарим нь зэрлэг балмад. Зарим нь тэнэг. Зарим нь ухаантай. Тэр нь их бага байдлаар хүч, хүний хүчнээс болдог. Тиймээс Хүний Шинж Чанар бол өөр зүйл. Хүний ухаан бас өөр зүйл. Хүн энэ төрөлдөө эзэмшиж буй хүний шинж чанар урьд төрөлдөө ямар буян хурааснаас хамаарна. (Ойлголоо, Багш аа.)

Ямартай ч олон хүн хүн мэт харагдавч хүн биш байдаг. Энэ тухай бид хэдийнээ ярьсан. Та нар болгоомжтой л байх хэрэгтэй. Супер хүмүүс гэж бий, төгс дээд хүмүүс гэж бий, Цаглашгүй Дээд Их Багш гэдэг шиг цаглашгүй дээд хүн гэж бий. Тэдний гэрлэн бие бүгд өөр. Энэ нь тэдний зэрэг дэв, оюун санааны гэгээрлийн түвшин болон Ертөнц дахин дахь оюун санааны бүх байр сууриас хамаарна. Диваажин мэдэж байдаг. Зүгээр л хүмүүс, олонх нь мэдэхгүй. Тэд гэрлэн бие хардаггүй.

Photo Caption: Амьдралын Хэр Өнгөлөг Болгох Биднээс Хамаарна

Зураг татаж авах