Нарны Хаантай хийсэн яриа,12 цуврал лекцийн 5-р хэсгийг

За, энэ ингээд боллоо. Энэ болчихлоо. Ахиад бас хэд байна, за. Би зүгээр л утасны жижигхэн, маш бүдэг гэрэл дор хурдхан хэдэн юм тэмдэглэсэн. Үгүй бол би сэрж, энэ ертөнцтэй хэтэрхий холбоотой болчихдог. Өөрөөр хэлбэл тэдэнтэй ярихад хэцүү байх болно. Хэрэв би дуу хураагч асаая гэвэл том гэрэл асаж, би мөн дэлхий рүү дахин татагдаж, бидний яриа дуусах болно. Энэ ажил хэцүү. Илүү өндөр түвшний яриа учраас өөр. Би Бурханы шавь нартай өмнө нь ярьдаг байхад төрөл бүрийн тод гэрэл асаадаг байсан орчноос энэ нь өөр. Өөр, өөр түвшний яриа, өөр холболт юм. Өмнө нь би зүгээр л ном уншиж, та бүхэнд үлгэр ярьж өгдөг байхад том, тод гэрэл асаалттай байлгах зүгээр байсан.

Гэвч одоо бол хэрэв би илүү өндөр хэмжээст яриа өрнүүлэхийг хүсэж байвал хэт их гэрэл асааж болохгүй. Тэгээд л мартахгүйн тулд хааяа нэг гэрлээ асааж, тэмдэглэн авдаг. Жишээ нь: Манай гаргаас хэчнээн хүн Нарны дээр Нарны хүмүүстэй хамт амьдардгийг, тэнд хэдэн Нарны хүн амьдардгийг тэмдэглэдэг. Тоог нь бичиж авахгүй бол би мартчихна. Мөн одоо тэд Нарны дээр болон Саран дээр ойролцоо Дөрөвдүгээр Түвшинд байгаа болохоор Тавдугаар Түвшин хүрэхэд Дэлхийн жишгээр хэдэн жил болохыг бичиж авна. Гэхдээ бүх өндөр Дөрөвдүгээр Түвшин адилгүй. Зарим нь Дөрвийн дунд, зарим нь дунд болон дээд түвшний завсарт байдаг. Хэрэв тэд залбирч, эгэл даруухнаар хүсвэл зарим Их Багш нар очиж, тэдэнд зааж сургадаг. Яагаад гэвэл Их Багш үнэндээ Нарны дотор амьдардаг.

Нар бидний харж байгаатай адилгүй. Нарны дотор амьдардаг хүмүүс нь Дөрөвдүгээр Түвшнийх. Харин Нарны гадарга нь “Нам” буюу Үнэн хэмээх ертөнц юм. Их Багш тэнд амьдардаг. Их үзэсгэлэнтэй, гайхалтай, үнэхээрийн ер бусын. Үгээр тайлбарлахын аргагүй. Тэндхийн юм бүхэн хүмүүний ойлголт, төсөөллөөс хэтийдсэн. Тэгэхээр Нарны гадна талаас Их Багш нар заримдаа Цөм рүүгээ орж, тэндхийн хүмүүст зааж сургадаг. Мөн эгэл даруухан гуйлт хүсэлтээр Их Багш нар бас Саран дээр, Саран дотор очиж, зааж сургадаг. Сарны доторх хүмүүс Дөрөвдүгээр Түвшнийх. Харин Сарны гадаргынх нь Нарны гадаргынхаас өөр. Сарны гаднах ертөнц нь нүдэнд үзэгдэхгүй, тэндхийн хүмүүс Гуравдугаар Түвшнийх, Дөрөвдүгээр Түвшин биш.

Дөрөвдүгээр Түвшний Сарны хүмүүс ерөнхийдөө “Энх тайван ертөнц” хэмээх газраас ирснийг би та нарт хэлсэн. Энэ нь “энх тайван хүмүүсийн ертөнцөөс” өөр, төстэй ч өөр юм. Тэгэхээр Сарны гадарга ертөнцөд орших Гуравдугаар Түвшний хүмүүс, дотоод ертөнцийг хүрээлсэн гаднах ертөнцийн хүмүүс Гуравдугаар Түвшнийх. Гэхдээ тэд маш хичээнгүй бясалган дадуулж буй учраас Дөрөвт хүрнэ. Гэхдээ тэд дотогшоо орж, хүмүүстэй ижил төрхтэй тэндхийн оршин суугчидтай хамт амьдарна гэсэн үг биш. Сарны гадна талын ертөнцдөө үлдэх болно. Тэр үед би дашрамд нь Сарнаас асуухад Сарны Хаан надад тэгж хариулсан. Би Нартай илүүтэй ярьж байсан болохоор тун товч. Бидний ярианы гол сэдэв Нар байсан.

Цаглашгүй Дээд Их Багш болон сүнс, миний сүнс хоёр адилхан – хамтдаа, нэг. Гэвч энэ гараг дээрх, материаллаг ертөнц дэх ажлаас болоод бие махбод, уураг тархи гэх мэт зүйл шаардлагатай байдаг. Учир нь Их Багш, эсвэл Бурхан материаллаг ертөнцийн хүмүүстэй ярилцах боломжгүй учраас тэд энэ “оффис”-ыг ашиглах ёстой болсон юм. Би энэ биеэ Гайхалтай, Хамгаас Хүчирхэг Эргэн Нэгдсэн Гурвын оффис гэж нэрлэдэг. Бодол оюунд юу л орно тархинд хөрвүүлэгдэж, улмаар та нартай би хүний хэлээр ярилцах боломжтой болдог. Учир нь Бурхан хүмүүстэй ярьж чадах ч, хүмүүс сонсож чаддаггүй. Тэр л асуудал. Та нар сонсох нь сонсдог л доо. Гэхдээ ойлгодоггүй. Харах нь ч хардаг. Харин ухаардаггүй. Хүмүүсийн асуудал энэ.

Хүмүүс Бурханд, сахиусан тэнгэрүүд, Диваажингуудад их залбирдаг ч Бурхан тэдэнд юу гэж хэлж байгааг бараг анзаардаггүй. Үүнд л асуудал байгаа юм. Арьяабалын Аргаар бясалгаж байгаа хүмүүс Бурханыг сонсож чадах ч мэдээж өдөр болгон биш, байнга биш. Гэхдээ ядаж л ч тэд чадна. Тэд залбирах үедээ Бурханы юу гэхийг сонсдог, эсвэл ахуй ойлголтоороо Бурханы хувилгаан дүрийг хардаг, жишээ нь Их Эзэн Есүс, эсвэл Будда ахуй ойлголтод нь орж зарим асуултуудад нь хариулдаг. Тиймээс ихэвчлэн тэдэнд энэ ч шаардлагагүй. Бие махбодтой Их Багшаас асууж болно. Жишээ нь: Төгс Гэгээрсэн Их Багш Чин Хайгаас тэд асууж, гэртээ хариултаа авах боломжтой.

6-р сарын 22-нд авшиг хүртсэн эхнэр бид хоёр дэлхийн нийтийн бясалгалын цаг 21 цагийг гэртээ хамтдаа эхлүүлсэн. Гэнэт эхнэр маань надад нэг найзын маань хадгалуулахаар үлдээсэн СМ Тэнгэрлэг Үнэт Эдлэлийн "Дундаж Зам Мөр" хүзүүний зүүлтийг надад өглөө. Үүнийг зүүсний дараа шууд л Арьяабалын бясалгалыг хийж эхлэв. Гэнэт маш хүчтэй энерги намайг сансрын уудамд хурдан аваачлаа. Би Арьяабалын Бодисадва зүүн гартаа охийн шил, баруун гартаа уд модны мөчир барьж, охьтой усаа хурдан бөгөөд хүчтэй миний дээр цацаж байхыг би харсан. Тэр үед би, Багшийг Арьяабалын Бодисадва байсныг санамагц, Арьяабалын Бодисадва шууд Багш болон хувирав.

Сүүлийн үед манай гэр бүлийн санхүүгийн хүндрэлийн талаар би Багшаас зөвлөгөө авахыг хүссэн. "Энэ бол таны шалгалт. Жинхэнэ гэгээнтэн ч үхэхээсээ өмнөх сүүлчийн мөчид Бурхан түүнд хэрэгтэй тусламж, дэмжлэгийг өгнө гэдэгт 100% итгэдэг. Урагшаа явах үед, таны замд үйлийн үрээс тань бий болж, ирэх маш их чулуу байх болно.” гэж Багш хариулав.

Би Багшаас чулуунуудыг арилгахад тусалж чадах эсэхийг асуув. Багш “Үгүй ээ, учир нь энэ бол таны шалгалт. Гэхдээ та саяхан нэгийг давсан. Аажмаар байдал сайжирна. Таны замд үйлийн үрийн олон чулуу байсаар байна. Гэхдээ зүгээр. Би үргэлж таны хажууд байж, тэднээр дамжуулан таныг харах болно."

Би Багшаас “Яагаад Та үргэлж надтай ийм ойр байдаг байтал би танаас ийм хол байгаа юм шиг санагддаг юм бэ?” гэж асуув. Багш үүнийг үйлийн үр гэж хэлэв.

Биднийг нигүүлсэнгүй халамжилж, бидэнтэй хамт байдаг Агуу Багш Танд чин сэтгэлээсээ талархаж байна. Дэлхийн хүнд хэцүү нөхцөлд Багш шавь нартайгаа хамт байж, биднийг удирдан чиглүүлсээр байна. Багш аа, би Танд хязгааргүй талархаж байна. Тайвань (Формоса)-ийн Ю-Фэн

Хариултаа сонсох гэж тэд Төгс Гэгээрсэн Их Багш Чин Хайтай уулзах ч шаардлагагүй. Бурханаас, Их Эзэн Есүсээс, Авид Бурханы Оронд байгаа Буддагаас ч юм уу асууж, хариулт хүссэнээс материаллаг оршихуйд байгаа Их Багшаас асуух нь илүү хялбар. Яагаад гэвэл бие махбодод өөр түвшний хэлбэлзэлтэй, билиг ухаантай байдаг. Тэгэхээр

Бурхан, Будда бидэнд хариулдаг ч олон хүн сонсдоггүй, тэгчхээд өөрсдийг нь сонссонгүй гэж Бурханыг буруутгадаг. Бурханыг сонсохгүй, Бурханыг хардаггүй байх тусмаа Бурханыг тэд ойлгодоггүй, Бурханд итгэх нь багасдаг. Тэгээд Бурханд итгэхгүй байхаар маяа тун ойр. Тэд ирж утгагүй зүйл ярих юм уу хүмүүсийг, гэмгүй эмзэг хүмүүсийг хуурахын тулд эелдэг зөөлөн ярьж, өөрсөдтэй хамт ажиллахад уруу татаж, тэдэнд жаахан гамшиг ч юм уу үзүүлж, хахуулддаг.

Тэгээд л хүмүүс Бурханаас илүү маяад итгэдэг, яагаад гэвэл тэд харж чаддаг. Маяад илүү ойрхон. Энэ бол маяагийн, хий хуурмагийн хааны ертөнц. Тиймээс хүмүүсийн хувьд Оройн Дээд Эзэн Бурханд итгэхийн оронд маяад итгэж, дагах илүү хялбархан.

Гэхдээ энэ бол сургамж юм. Хүмүүс энд ирж, өөрсдийнхөө тэсвэр тэвчээр, хүч чадал, хатуужлыг шалгахыг хүсдэг ч аймшигтай унадаг. Хууран мэхлэгдэж, худал гүтгэгдэж, өдөр бүр тамлуулж, энэ материаллаг дэлхийд ядарч туйлдаад ирэхэд, эсвэл тамыг туулж, буцаад хүний ертөнцөд ирэхэд эсвэл доод Диваажинд байж, байнга орж гараад эргэлдээд байхаар тэд үнэхээр их ядарч, өөрсдийнхөө төлөө тэмцэх боломжгүй болдог. Тэдний урам зориг, Диваажингийн хүч, өөрсдөдөө итгэх итгэл нь алдагддаг. Тэгээд тэд Бурханаас Диваажингаас, Буддагаас тусламж гуйн дууддаг. Тэгээд тэр үед нь залбирлынх нь чин сэтгэлээс хамаарч Бурхан Хүүхдүүдээ илгээдэг эсвэл Бурхан Төлөөлөгчдөө өөр өөр хэлбэр дүрсээр, эрэгтэй, эмэгтэй дүрээр илгээж тэдэнд нэн шаардлагатай учраас сүнсийг нь авруулдаг.

Эдгээр Их Багш нарын зарим нь илүү өндөр Диваажингаас энэ дэлхийд санаатайгаар буун ирж, тухайн цаг үед байгаа амьд Их Багш нарт тусалж, Их Багш нарт ажлаа хийхэд нь тусалж, урьдаас, олон олон эрин галавын тэртээгээс өөрсөдтэй нь хамааралтай олон сүнсийг аврахад нь тусалдаг. Гэх мэт жишээтэй, эсвэл хэдхэн төрлийн өмнөх, бүр заримдаа энэ төрөлд хамааралтай төрөлтнүүдийг аврахад нь тусалдаг. Тэгэхээр шавь нар гэгдэгчид бол цөхөрсөн сүнснүүд. Тэдэнд үнэхээр тусламж хэрэгтэй. Тэдэнд өөрсдөд нь живж, үхэж буй мэт санагддаг. Суралцаж, өөрсдийгөө энэ дэлхийд сайжруулахад, цааш тэмцэхэд яаж ч чадахгүй болдог. Тэгээд Бурханыг Зарлиг, Хайраар Их Багш буун ирж, эдгээр сүнснүүдийг авардаг.

Ер нь бол энэ нь дэлхийн төгсгөлийн мөч болтол үргэлжилж, улмаар өршөөл нь томордог. Гэвч тухайн үед бүх хүмүүсийн билиг ухаан, зөн совин илүү мөхөө болсон байдаг. Ихэнх нь хэт живчихсэн, хот хордчихсон, хэт тархиа угаалгуулчихсан, энэ дэлхийн маяагийн системд хэт бохирлогдсон байдаг. Их Багш ирж тэдэнд ямар нэг зүйл хэлэх үнэхээр хэцүү. Тэд зүгээр л ойлгодоггүй. Бүр маш энгийн, жижиг, энгийн яриаг ч тэд ойлгодоггүй. Эсвэл тэд мушгидаг. Тэд ойлгохгүй байгаад зогсохгүй аймшигтай мушгиж, бусад хүмүүсийг бүр ч төөрөгдүүлдэг. Хэрэв тэд Их Багшийг хөнөөхгүй бол хэдийнээ азтай явдал юм.

Энэ дэлхийн хүмүүст заах үнэхээр хэцүү, ялангуяа одоогийн энэ төгсгөлийн цаг үед, бараг л төгсгөлийн цаг үед. Их Багш Иогананда Жи Асурын ертөнцөөс эргэж ирээд, Асурын ертөнцийн хилийг давж, Парамаханса Иогананда шавьтайгаа уулзахдаа Тэрээр Иогананда Жи-д хандан Асурын төрөлтнүүдэд заах нь энэ дэлхийн хүмүүст заахаас амархан учраас Асурын түвшний төрөлтнүүдэд заахыг илүүд үздэг гэж хэлсэн. Иогананда Жи “Иогчийн намтар” номдоо ингэж бичсэн байдаг. Түүний номд тэгж бичсэн байдаг.

Photo Caption: Сайн ба Муу Зүйлс Байдаг, Болгоомжтой Байх Хэрэгтэй

Зураг татаж авах